വാഴ്വ് 2026 സെപ്റ്റംബർ 26-ന് ബഥേൽ സെന്ററിൽ നടത്തപ്പെടുന്നതിന്റെ മുന്നോടിയായി സ്നേഹത്തിന്റെ സന്ദേശം എല്ലാ ക്നാനായ കത്തോലിക്ക മിഷൻസ് ഇടവകയിലും തുടർന്ന് കുടുംബങ്ങളിലും എത്തിക്കുന്ന സ്നേഹ ദീപ പ്രയാണത്തിന്റെ യുകെയിലെ സഞ്ചാരം മെയ് 16-ന് ലിവർപൂളിൽ തുടക്കമാകും. കോട്ടയം അതിരൂപത മെത്രാപ്പോലീത്ത മാർ മാത്യു മൂലക്കാട്ട് പിതാവ് തിരി തെളിയിച്ച സ്നേഹദീപം യുകെയിലെ പ്രതിനിധികൾക്ക് കൈമാറുകയും തുടർന്ന് സ്നേഹദീപ പ്രയാണം മെയ് 16-ന് ലിവർപൂളിൽ നിന്നും വിവിധ ക്നാനായ കത്തോലിക്ക മിഷൻസ് ഇടവകകളിലേക്ക് യാത്രയാകും.
“കരുണതൻ കരുതലായി വാഴ്വ്” എന്ന ആപ്തവാക്യത്തിൽ അധിഷ്ഠിതമായ വാഴ്വ് 2026 ലക്ഷ്യമിടുന്നത് കുടുംബ സംഗമത്തോടൊപ്പം ഭവന രഹിതരായ ഒരു കുടുംബത്തിന് സുരക്ഷിതമായ ഒരു ഭവനവും കൂടാതെ ചികിത്സാ സഹായങ്ങളും സാധ്യമാക്കുക എന്നതാണ്. കഴിഞ്ഞവർഷം ഒരു ഭവനം എന്ന ലക്ഷ്യമിട്ടത് രണ്ട് ഭവനത്തിനുള്ള തുക സമാഹരിക്കുവാൻ സാധിക്കുകയും അതിൻറെ പണികൾ പുരോഗമിക്കുകയും ചെയ്യുന്നു.
മെയ് 16-ന് ലിവർപൂൾ സെൻറ് പയസ് ടെൻത് ക്നാനായ കത്തോലിക്ക മിഷൻ ഇടവകയിൽ ലൈറ്റ് ഓഫ് ലവ് എന്ന സ്നേഹ ദീപ പ്രയാണം ഔദ്യോഗികമായി യുകെയിൽ ആരംഭിക്കും. അഭിവന്ദ്യ മൂലക്കാട്ട് പിതാവിൽ നിന്നും സ്വീകരിച്ച സ്നേഹദീപം ക്നാനായ കാത്തലിക് മിഷൻസ് യുകെയുടെ കോഡിനേറ്റർ ഫാ. സുനി പടിഞ്ഞാറക്കരയ്ക്ക് കൈമാറുകയും തുടർന്ന് ബഹുമാനപ്പെട്ട പടിഞ്ഞാറേക്കര സുനി അച്ചൻ 15 ക്നാനായ കാത്തലിക് മിഷനുകളിലേക്കും വിവിധങ്ങളായ മാസ്സ് സെന്ററുകളിലേക്കും തുടർന്ന് ക്നാനായ കാതോലിക്കാ ഭവനങ്ങളിലേക്കും കൈമാറും.
കത്തോലിക്ക വിശ്വാസത്തിൽ അടിയുറച്ച് സമുദായ സ്നേഹത്തിൽ നിലയുറച്ച് സ്നേഹത്തിന്റെ, സാമുദായിക ഐക്യത്തിന്റെ, നന്മയുടെ, സാക്ഷ്യമായി മാറുവാൻ വാഴ്വ് 2026 സ്നേഹദീപ പ്രയാണം മുഖ്യഘടകം ആകും
