2025ലെ വാഴ്വ്ൻ്റെ ഏറ്റവും വലിയ പ്രത്യേകതയായിരുന്നു ഭവന രഹിതരായ ഒരു കുടുംബത്തിന് ഭവനം നിർമ്മിച്ചു നൽകുക എന്ന പദ്ധതി. ടിക്കറ്റ് വിൽപ്പനയിലൂടെയും നിരവധി വ്യക്തികളുടെ നിർലോഭമായ സഹകരണത്തിന്റെയും ഫലമായി ഒരു ഭവനത്തിന് പകരം രണ്ട് ഭവനം നിർമ്മിച്ച നടക്കുന്നതിനുള്ള പണം സമാഹരിക്കുവാൻ സാധ്യമായി. കോട്ടയം സോഷ്യൽ സർവീസ് സൊസൈറ്റിയും മലബാർ സോഷ്യൽ സർവീസ് സൊസൈറ്റിയും ഗുണഭോക്താക്കളെ കണ്ടെത്തുകയും അത് വാഴ്വ് കോർ കമ്മറ്റി വിശദമായി പഠിച്ചതിന്റെ അടിസ്ഥാനത്തിൽ മലബാറിലും ഹൈറേഞ്ചിലുമായി ഓരോ ഭവന രഹിതരെ കണ്ടെത്തി. തിരൂരിലും എൻ ആർ സിറ്റിയിലും ആണ് ഭവനങ്ങൾ നിർമ്മിച്ച നൽകുന്നത്.
എൻ ആർ സിറ്റിയിലെ ഭവന നിർമ്മാണത്തിന്റെ തറക്കല്ലിടീൽ ചടങ്ങ് നടക്കുകയും ഭവന നിർമ്മാണം പുരോഗമിക്കുകയും ചെയ്യുന്നു. തിരൂരിലെ ഭവന നിർമ്മാണത്തിന്റെ ഭൂമിയുടെ ഇടപാടുകൾ നടന്നുവരുന്നു.
ഭവന നിർമ്മാണത്തിന്റെ പുരോഗതികൾ ഓരോ ഘട്ടത്തിലും തെക്കൻ ടൈംസ് വഴി പ്രസിദ്ധീകരിക്കുന്നതാണ്. 2026 വാഴ്വ് ലക്ഷ്യമെന്നത് ഒരു ഭവന നിർമ്മാണവും ചികിത്സാ സഹായവും ആണ്.
വാഴ്വ് ഒരു ആഘോഷം മാത്രമല്ല വേദനിക്കുന്നവരുടെ മനസ്സറിഞ്ഞ് സഞ്ചരിക്കുന്ന തീർത്ഥാടന യാത്രയാണ്.
