സെന്റ് ജോസഫ്‌സ് മിഷനില്‍ നോമ്പ് കാല വാര്‍ഷിക ധ്യാനം നടത്തപ്പെട്ടു

ലണ്ടണ്‍: സെന്റ് ജോസഫ്‌സ് ക്‌നാനായ കാത്തലിക് മിഷനില്‍ ഈ വര്‍ഷത്തെ നോമ്പുകാല വാര്‍ഷിക ധ്യാനം നടത്തപ്പെട്ടു. യു.കെയിലെ കോ-ഓര്‍ഡിനേറ്റര്‍ ഫോര്‍ ക്‌നാനായ കാത്തലിക് ഫെയ്ത്ത്ഫുള്‍ ഫാ. സുനി പടിഞ്ഞാറേക്കര ധ്യാന ശുശ്രൂഷകള്‍ക്ക് നേതൃത്വം നല്‍കി. വി. കുര്‍ബാനയെക്കുറിച്ചും കുമ്പസാരത്തെക്കുറിച്ചുമുള്ള ധ്യാന ചിന്തകളെ തുടര്‍ന്ന് ആരാധനയും വി. കുര്‍ബാനയും നടത്തപ്പെട്ടു. കുട്ടികള്‍ക്കായി പ്രത്യേക സെക്ഷന്‍ ക്രമീകരിച്ചിരുന്നു. കുട്ടികളുടെ ധ്യാന ശുശ്രൂഷകള്‍ക്ക് മിഷനില്‍ തന്നെയുള്ള അലന്‍ കുറ്റിയാംകോണത്ത്, വിനീത് എന്നിവര്‍ നേതൃത്വം നല്‍കി. കൈക്കാരന്മാരും പാരീഷ് കൗണ്‍സില്‍ അംഗങ്ങളും മതബോധന അദ്ധ്യാപകരും ചേര്‍ന്ന് ധ്യാനത്തിനാവശ്യമായ ക്രമീകരണങ്ങള്‍ക്ക് നേതൃത്വം നല്‍കി.