സെന്റ് പോൾ സൗത്താംപ്ടൺ മിഷൻ പൂൾ മാസ്സ് സെന്ററിൽ വുമൺസ് ഡേ ആഘോഷിച്ചു. ഫാദർ അജൂബ് മിഷൻ അംഗങ്ങളോടൊപ്പം മാർച്ച് 8-നു പൂൾ സെന്റ് ജോസഫ് ദേവാലയത്തിൽ അർപ്പിച്ച ദിവ്യബലിക്ക് ശേഷം അന്താരാഷ്ട്ര വനിതാ ദിനം ആഘോഷിച്ചു. ആധുനിക ലോകക്രമത്തിൽ സ്ത്രീകളുടെ പ്രാധാന്യത്തെയും സംഭാവനകളെയും കുറിച്ച് അജൂബ് അച്ചൻ പ്രത്യേകം ഓർമിപ്പിച്ചു. നമ്മുടെ മിഷനിലെ കുടുംബങ്ങളുടെ കെട്ടുറപ്പിനായി സ്ത്രീകൾ നൽകുന്ന സംഭാവനകളെയും ഏറ്റെടുത്തിരിക്കുന്ന അർപ്പണമനോഭാവത്തെയും അച്ചൻ പ്രശംസിച്ചു. ലീജിയൻ ഓഫ് മേരി എന്ന ആത്മീയ കൂട്ടായ്മയിൽ ചേർന്ന് നിന്ന് കൊണ്ട് പ്രാർത്ഥനയിൽ ആഴപ്പെടുവാൻ ആഹ്വാനം ചെയ്തു കൊണ്ട് എല്ലാ സ്ത്രീ ജനങ്ങളെയും പൂവ് നൽകി ആദരിച്ചു.
