Category: Vazhvu-2026

2026 സെപ്റ്റംബർ 26-ന് ബഥേൽ സെന്ററിൽ നടത്തപ്പെടുന്ന വാഴ്‌വ് 2026 ഏറ്റവും മനോഹരമായി നടത്തപ്പെടുന്നതിന് വിവിധ കമ്മിറ്റികൾ പ്രവർത്തിച്ചുവരുന്നു. ഓരോ കമ്മറ്റികളെ തെക്കൻ ടൈംസ് ഓരോ ലക്കവും പരിചയപ്പെടുത്തുന്നതായിരിക്കും.

ഏറ്റവും സുപ്രധാന കമ്മറ്റിയായ എല്ലാ കമ്മിറ്റികളുടെയും കമ്മറ്റിയായ എക്സിക്യൂട്ടീവ് കമ്മറ്റി അംഗങ്ങളെയാണ് ഈ ലക്കത്തിൽ പരിചയപ്പെടുത്തുന്നത്.

വാഴ്‌വ് 2026 ൻ്റെ ചെയർമാൻ ക്നാനായ കാത്തലിക് മിഷൻസ് യുകെയുടെ ഓർഡിനേറ്റർ ഫാ. സുനി പടിഞ്ഞാറേക്കര ആണ്. ഭവന രഹിതർക്ക് ഭവനം നിർമ്മിച്ചു നൽകുന്നതിൽ പടിഞ്ഞാറേക്കര സുനി അച്ചൻ്റെ പ്രത്യേകമായ താല്പര്യത്തെക്കുറിച്ച് മുൻ ലക്കത്തിൽ തെക്കൻ ടൈംസ് പ്രസിദ്ധീകരിച്ചതാണ്.

ഈ വർഷം ജനറൽ കൺവീനറായി പ്രവർത്തിക്കുന്നത് സെൻറ് മേരീസ് ക്നാനായ കാത്തലിക് മിഷൻ ഇടവകയിലെ സാജൻ ഈഴാറാത്ത് ആണ്

കൺവീനർ മാരായി തെക്കൻ ടൈംസ് ചീഫ് എഡിറ്റർ ഫാ. മാത്യൂസ് വലിയ പുത്തൻപുര, ഇവാഞ്ചലൈസേഷൻ ഡയറക്ടർ ഫാ ജോസ് തേക്ക് നിൽക്കുന്നതിൽ എന്നിവർ പ്രവർത്തിക്കുന്നു. ജോയിൻറ് കൺവീനർ സെൻറ് മൈക്കിൾസ് മിഷനിലെ ജിൽസ് നന്ദികാട്ട് ആണ്. എല്ലാ കമ്മിറ്റികളുടെയും മേൽനോട്ടം വഹിക്കുന്ന എക്സിക്യൂട്ടീവ് കമ്മിറ്റി നിശ്ചിത ഇടവേളകളിൽ വാഴ്‌വ്ൻ്റെ പ്രവർത്തനങ്ങൾ വിലയിരുത്തുന്നു.

ദൈവം അബ്രഹത്തിന് നൽകിയ വാഴ്‌വ്, അബ്രഹാം മുതൽ പൂർവപിതാക്കന്മാർക്ക് കിട്ടിയ വാഴ്‌വ്, പൂർവപിതാക്കൻമാർ തലമുറകളിലേയ്ക്ക് പകർന്നുകിട്ടിയ വാഴ്‌വ്, ലോകത്തെവിടെ ആയിരുന്നാലും ആ വാഴ്‌വിന്റെ വിശുദ്ധിയിൽ മുന്നേറുന്ന ക്നാനായ ജനത, ഈ അനുഗ്രഹീത ജനത തങ്ങളുടെ സഭാ പിതാക്കന്മാരോടും, വൈദീകാരോടും കൂടി ചേർന്ന് അൽമായർ, തങ്ങളുടെ ഒത്തുകൂടലിന് ഒരു മഹനീയ ദിനം, വാഴ്‌വ് 2026, സെപ്റ്റംബർ 26-ന് ബർമിങ്ഹാമിൽ. ക്നാനായ മിഷൻസ് യുകെയുടെ, വാഴ്‌വ് മഹാസംഗമത്തിന്റെ

ഒരുക്കങ്ങൾ അണിയറയിൽ തകൃതിയായി പുരോഗമിക്കുന്നു. ക്നാനായ മിഷൻസ് കോർഡിനേറ്റർ ഫാ. സുനി പടിഞ്ഞാറേക്കര ചെയർമാനും, സാജൻ ഈഴാറാത്ത് ജനറൽ കൺവീനറും, ഫാ. ജോസ് തെക്കിനിക്കുന്നേൽ, ഫാ. മാത്യൂസ് വലിയ പുത്തൻപുരയിൽ എന്നിവർ കൺവീനറുമാരായും, ജിൽസ് നന്ദികാട്ട് ജോ. കൺവീനറായും എക്സിക്യൂട്ടീവ്

കമ്മിറ്റിയും, പരിപാടികൾ ക്രോഡികരിക്കാൻ മറ്റ് 14 കമ്മറ്റികളുമാണ് രൂപീകരിച്ചിരിക്കുന്നത്. മുൻ വർഷങ്ങളിലെപ്പോലെ പൊന്തിഫീസിക്കൽ കുർബാന, പൊതുസമ്മേളനം, യൂത്ത് സെഷൻ, വിവിധ മിഷൻ അംഗങ്ങൾ അവതരിപ്പിക്കുന്ന കലാപരിപാടികൾ എല്ലാം കോർത്തിണക്കിയാണ് സംഗമം ഒരുക്കുന്നത്.

സംഗമത്തിന് മാറ്റ് കൂട്ടാൻ പിതാക്കന്മാർ, മറ്റ് വിശിഷ്ട അതിഥികൾ എന്നിവരെ പ്രതീക്ഷിക്കുന്നു.

അടിയുറച്ച കാത്തോലിക്ക വിശ്വാസത്തിൽ, പാരമ്പര്യങ്ങൾ മുറുകെ പിടിച്ച് ലോകത്തെവിടെ ആയാലും പരസ്പര സഹോദര്യത്തിൽ ഒന്നായി ജീവിക്കുന്ന യുകെ സമൂഹത്തിന്, കഴിഞ്ഞ വർഷം നടത്തിയ സമ്പൂർണ ബൈബിൾ പകർത്തി എഴുത്ത് അനുഗ്രഹദായകമായിരുന്നു. ഇത്തവണ വാഴ്‌വിന് ഒരുക്കമായി പുതിയ നിയമം പകർത്തി എഴുതാൻ ഒരുങ്ങുന്നു, അതുപോലെ ഇന്റർസെഷൻ കമ്മറ്റിയുടെ നേതൃത്വത്തിൽ പ്രാർഥിച്ചും ഒരുക്കങ്ങൾ തുടങ്ങി.

തങ്ങളുടെ ഈറ്റില്ലമായ കോട്ടയത്തുനിന്ന് തുടങ്ങുന്ന വാഴ്‌വ് 2026-ന്റെ ദീപശിഖ പ്രയാണത്തിന്റെ സ്വീകരണവും, യുകെ മിഷനുകളിലേയ്ക്ക്‌ ദീപശിഖ പ്രയാണവും, വാഴ്‌വ് ടിക്കറ്റ് കിക്ക് ഓഫ്‌ എന്നിവ മെയ്‌ 16ന് ലിവർപൂളിൽ നടക്കും.

കഴിഞ്ഞ വർഷം ലക്ഷ്യം വെച്ചത് ഒരു കുടുംബത്തിന് വീട് വെച്ച് കൊടുക്കുക എന്നതായിരുന്നു. എന്നാൽ സുമനസുകളുടെ സഹകരണത്താൽ നാട്ടിൽ രണ്ട് ഭാവനങ്ങൾക്കുള്ള പ്രാരംബ പണികൾ തുടങ്ങി കഴിഞ്ഞു. ഇത്തവണ വാഴ്‌വിന്റെ സദുദേശം (motto) കഴിഞ്ഞ വർഷത്തെപ്പോലെ നിർധനരായ ഒരു കുടുംബത്തിന് ഭവനവും, നമ്മുടെ സമൂഹത്തിൽ രോഗികളായി സമ്പത്തിക ബുദ്ധിമുട്ട് അനുഭവിക്കുന്നവരെ സഹായിക്കുക എന്നതുമാണ്.

വാഴ്‌വ് 2026 അനുഗ്രഹീതവും, സന്തോഷകരവും, വിജയവും ആയി തീരാൻ യുകെയിലെ മുഴുവൻ ക്നാനായ കുടുംബങ്ങളുടെയും സഹകരണവും, സാന്നിധ്യവും വാഴ്‌വ് കമ്മിറ്റി പ്രതീക്ഷിക്കുന്നു. എല്ലാവരെയും സാദരം സ്വാഗതം ചെയ്യുന്നു.