ബ്രിസ്റ്റോൾ: 2025 October 4 ന് ബർമിങ്ഹാമിലെ ബഥേൽ കൺവെൻഷൻ സെന്ററിൽ വെച്ച് നടത്തപ്പെടുന്ന യുകെ ക്നാനായ കാത്തലിക് മിഷൻ കുടുംബ സംഗമം ‘വാഴ്വ് 2025’-ന്റെ ആദ്യ എൻട്രി പാസ്സ്, മിഷൻ കോർഡിനേറ്റർ ഫാ. അജൂബ് തോട്ടനാനിയിൽ നിരവധി കുടുംബങ്ങൾക്ക് നൽകി ഉദ്ഘാടനം നിർവഹിച്ചു. കൈക്കാരൻമാർ, പാരീഷ് കൗൺസിൽ, അംഗങ്ങൾ എന്നിവർ പരിപാടികൾക്ക് നേതൃത്വം നൽകി.
ഈ വർഷം ഒക്ടോബർ നാലിന് ക്നാനായ കാത്തലിക് മിഷൻസ് യുകെയുടെ നേതൃത്വത്തിൽ നടത്തപ്പെടുന്ന വാഴ്വ് 25 ന് നിരവധി പ്രത്യേകതകൾ ഉണ്ട്.
ഏറ്റവും പരമപ്രധാനമായ പ്രത്യേകത കേരളത്തിൽ നിർദ്ധരായ ഒരു ക്നാനായ കത്തോലിക്ക കുടുംബത്തിന് ഭവനം നിർമ്മിച്ചു നൽകുന്നു എന്നതാണ്.
ആഘോഷമായ പൊന്തിഫിക്കൽ കുർബാനയും വിവിധ മിഷനുകളിലെ നയന മനോഹരമായ കലാവിരുന്നും കുട്ടികളുടെയും യുവജനങ്ങളുടെയും ഊർജ്ജസ്വലമായ ചടുല ചുവടുകളോട് കൂടിയ ആകർഷണീയമായ നൃത്ത സംവിധാനങ്ങളും വാഴ്വില്
പങ്കെടുക്കുന്നവരുടെ മനം കുളിർപ്പിക്കും.
യുകെയിലെ 15 ക്നാനായ മിഷനുകളിലെയും ഇടവകാംഗങ്ങൾ ഒന്നുചേർന്ന് സ്നേഹത്തിന്റെയും സാഹോദര്യത്തിന്റെയും സൗഹൃദത്തിന്റെയും നന്മകൾ വിതറുമ്പോൾ വാഴ്വ് 2025 ൻ്റെ പ്രവർത്തനങ്ങൾക്ക് വിവിധ കമ്മറ്റികൾ സുസജ്ജമായി പ്രവർത്തിക്കുന്നു.
എല്ലാ കമ്മിറ്റികളെയും ഏകോപിപ്പിക്കുന്ന കോർ കമ്മിറ്റിയെയാണ് ഈ ലക്കത്തിൽ തെക്കൻ ടൈംസ് പരിചയപ്പെടുത്തുന്നത്.
ക്നാനായ കാത്തലിക് മിഷൻസ് യുകെ കോഡിനേറ്റർ ഫാ. സുനി പടിഞ്ഞാറേക്കര ചെയർമാൻ ആയിട്ടുള്ള കോർ കമ്മറ്റിയിൽ അഭിലാഷ് മൈലപറമ്പിൽ ജനറൽ കൺവീനറായി പ്രവർത്തിക്കുന്നു. ഫാ. സജി തോട്ടം, ഫാ. ജോഷി കൂട്ടുങ്കൽ, എന്നിവർ കൺവീനർമാരായും സജി രാമചനാട്ട് ജോയിൻറ് കൺവീനറായും കോർ കമ്മിറ്റിയിൽ സജീവമായി പ്രവർത്തിക്കുന്നു.
എല്ലാ കമ്മിറ്റികളെയും ഏകവും ഏകോപിപ്പിച്ച് വാഴ്വിന്റെ സുഗമമായ പ്രവർത്തനങ്ങൾക്ക് നേതൃത്വം നൽകുന്ന കോർ കമ്മറ്റിയിലെ അംഗങ്ങൾ ദൈവത്തില് ആശ്രയിച്ച് വാഴ്വിന്റെ വിജയത്തിനായി പ്രവർത്തിക്കുന്നു.
ബെഥേൽ കൺവൻഷൻ സെൻ്ററിൽ 2025 ഒൿടോബർ നാലാം തീയതി UK യിലെ ക്നാനായ മിഷൻ കുടുംബങ്ങളുടെ മൂന്നാമത് സംഗമമായ വാഴ്വ് 2025-ന്, St.Mary’s Knanaya Mission Manchester ഒരുങ്ങിക്കഴിഞ്ഞു. പ്രവേശന ടിക്കറ്റിൻ്റെ Kickoff ceremony June ഇരുപത്തിയൊൻപതാം തീയതി St Mary’s Knanaya Mission Manchester-ൽ ഞായറാഴ്ച 11 മണിയുടെ വിശുദ്ധ കുർബാനയോട് അനുബന്ധിച്ച് UK ക്നാനായ മിഷൻ മുൻ VG സജിയച്ചനും, St Mary’s Knanaya Mission Manchester വികാരിയും, UK ക്നാനായ മിഷൻ കോർഡിനേറ്റർ സുനിപടിഞ്ഞാറേക്കരയും ചേർന്ന് പ്രൗഢഗംഭീരമായി നടത്തപ്പെട്ടു .
മാത്യു ഏലൂർ Diamond Ticket എടുത്തുകൊണ്ട് തുടക്കം കുറിച്ചതിനു പിന്നാലെ 45-ഓളം കുടുംബങ്ങൾ വളരെ ആവേശത്തോടെ Golden, Silver ticket-കൾ എടുത്തു കൊണ്ട് ഈ വാഴ്വിനെ ഏറ്റെടുക്കുന്ന കാഴ്ചയാണ് പള്ളിയിൽ കാണുവാൻ കഴിഞ്ഞത്. പാരീഷ് കൗൺസിലിന്റെയും കൈകാരന്മാരുടെയും മേൽനോട്ടത്തിൽ, ഫൈനാൻസ് കമ്മിറ്റി അംഗങ്ങളായ സിറിയക്ക് ജെയിംസ്, സജി തോമസ് എന്നിവരുടെ നേതൃത്വത്തിൽ നടക്കുന്ന ടിക്കറ്റ് വിൽപ്പന പുരോഗമിക്കുകയാണ്. ഈ ഉദ്യമം ഒരു വൻ വിജയമാക്കുവാൻ 2025 വാഴ്വിന്റെ വേദിയിൽ നമ്മൾ, നമ്മളുടെ കുഞ്ഞുങ്ങളോടൊപ്പം എത്തിച്ചേർന്നുകൊണ്ട് നമ്മുടെ ഐക്യവും, പ്രോത്സാഹനവും, പ്രാർത്ഥനയും ഈ 2025 വാഴ്വിനായി കൊടുക്കുവാനായി UK യിലെ മുഴുവൻവിശ്വാസികൾക്കും ഒത്തുചേരാം.
ഈ വർഷത്തെ വാഴ്വിന് മാഞ്ചസ്റ്ററിലുള്ള മുഴുവൻ ക്നാനായ കുടുംബങ്ങളെയും പങ്കെടുപ്പിക്കാനാണ് പാരീഷ് കൗൺസിലിൻ്റെ നേതൃത്വത്തിൽ നടക്കുന്നത്.