ബര്മിംഗ്ഹാം: ക്നാനായ കത്തോലിക്കാ മിഷനുകളുടെ ഫിസിക്കല് നാഷണല് മീറ്റ് ബര്മിംഗ്ഹാമിലെ കിംഗ്സ് വിന്ഫോര്ഡിലുള്ള ഔർ ലേഡി ഓഫ് ലൂര്ദ്ദ് ദൈവാലയത്തില് വച്ച് ഡിസംബര് മാസം 14 ന് നടത്തപ്പെട്ടു. രാവിലെ 11 മണിക്ക് വി. കുര്ബാനയോടെ നാഷണല് മീറ്റിന് തുടക്കമായി. സില്വര് ജൂബിലി ആഘോഷിക്കുന്ന ബഹു. സജി തോട്ടത്തില് അച്ചന്റെ മുഖ്യകാര്മ്മികത്വത്തില് മിഷനുകളില് സേവനം ചെയ്യുന്ന എല്ലാ ബഹു. വൈദികരും ചേര്ന്ന് അര്പ്പിച്ച വി. കുര്ബാനയെ തുടര്ന്ന് ജൂബിലി ആഘോഷിക്കുന്ന ബഹു. സജി അച്ചന് കേക്ക് മുറിച്ച് ജൂബിലിയുടെ സന്തോഷം പങ്കുവച്ചു. തുടര്ന്ന് എല്ലാ വൈദികരും ചേര്ന്ന് ക്നാനായക്കാരുടെ വിവാഹ അവസരത്തില് പാടുന്ന ബറുമറിയം ആലപിച്ചുകൊണ്ട് നാഷണല് മീറ്റില് സംബന്ധിക്കുന്നവര്ക്ക് ആശീര്വ്വാദം നല്കി. ഉദ്ഘാടനത്തിന് ശേഷം ഡീക്കന് അനില് ലൂക്കോസ് നയിച്ച ക്ലാസ്സ് ആനുകാലിക വിഷയങ്ങളും സഭയും സമുദായവും എങ്ങനെ പരസ്പരം ബന്ധപ്പെട്ടിരിക്കുന്നു എന്ന കാര്യവും ചര്ച്ച ചെയ്തു. ലഞ്ചിനു ശേഷം ചേര്ന്ന നാഷണല് മീറ്റില് യു.കെയിലെ മിഷനുകളുമായി ബന്ധപ്പെട്ട കാര്യങ്ങളില് ചര്ച്ചകള് നടന്നു. വിവിധ ഗ്രൂപ്പുകളായി തിരിഞ്ഞ് വിവിധ വിഷയങ്ങളില് ചര്ച്ചകള് നടത്തുകയും ഒരോ ഗ്രൂപ്പില് നിന്നും തിരഞ്ഞെടുക്കപ്പെട്ട സെക്രട്ടറിമാര് അതാത് ഗ്രൂപ്പിനെ പ്രതിനിധീകരിച്ച് ആശയങ്ങള് അവതരിപ്പിക്കുകയും ചെയ്തു. തുടര്ന്ന് നടന്ന പൊതു ചര്ച്ചയ്ക്ക് കോ-ഓര്ഡിനേറ്റര് ഫാ. സുനി പടിഞ്ഞാറേക്കര നേതൃത്വം നല്കി. 4 മണിക്ക് പ്രാര്ത്ഥനയോടെയും സമാപന ആശീര്വ്വാദത്തോടെയും നാഷണല് മീറ്റ് അവസാനിച്ചു. വിവിധ മിഷനുകളില് സേവനം ചെയ്യുന്ന ബഹു. വൈദികര്, കൈക്കാരന്മാര്, അക്കൗണ്ടന്റ്സ്, ഹെഡ് ടീച്ചേഴ്സ് എന്നിവര് ഉള്പ്പെടെ 55 ഓളം പേര് നാഷണല് മീറ്റില് സംബന്ധിച്ചു.
ക്നാനായ കാത്തലിക് മിഷന്സ് യു.കെ നാഷണല് മീറ്റ് സംഘടിപ്പിച്ചു
തെക്കൻ ടൈംസ് 31-മത് ലക്കം
വാഴ്വ് 2026 സ്നേഹ ദീപ പ്രയാണം, എൻട്രി പാസ് കിക്കോഫ് വാർത്തകളും ചിത്രങ്ങളും തെക്കൻ ഫെസ്റ്റ് വിപുലമായ വാർത്തകളും ചിത്രങ്ങളും, ലിജിയൻ ഓഫ് മേരി
Saint Alphonsa
My name is Alphonsa, and I am named after Saint Alphonsa, whose faith and strength inspire me. Carrying
Asher Mathew Wins National-Level Bible Quiz Award 🏆
Cardiff: Bringing great joy and pride to the St. Anthony’s Knanaya Catholic Proposed Mission (Wales), mission member Asher