ഷെഫീല്‍ഡ്: ആത്മീയ നിര്‍വൃതിയില്‍ ദൈവത്തിന്റെ കരുണയാചിച്ച് യു.കെയിലെ ക്‌നാനായ മക്കള്‍ പുറത്തുനമസ്‌ക്കാര പ്രാര്‍ത്ഥന നടത്തി. ക്‌നാനായ കാത്തലിക് മിഷന്‍സ് യു.കെയുടെ നേതൃത്വത്തില്‍ ഫെബ്രുവരി 22 ന് ഷെഫീല്‍ഡിലെ സെന്റ് പാട്രിക്‌സ് റോമന്‍ കത്തോലിക്കാ ദൈവാലയത്തില്‍ വച്ച് രാവിലെ 10. 30 ന് ദിവ്യകാരുണ്യ ആരാധനയോടുകൂടി ശുശ്രൂഷകള്‍ക്ക് തുടക്കമായി. മിലി രഞ്ജിയുടെ നേതൃത്വത്തില്‍ ക്‌നാ ഫയര്‍ ടിം അംഗങ്ങള്‍ ആരാധനയ്ക്ക് നേതൃത്വം നല്‍കി. തുടര്‍ന്ന് 11.00 മണിക്ക് ക്‌നാനായ കാത്തലിക് ഫെയ്ത്ത്ഫുള്‍ കോ-ഓര്‍ഡിനേറ്റര്‍ ബഹു. സുനി പടിഞ്ഞാറേക്കരയില്‍ അച്ചന്റെ മുഖ്യ കാര്‍മ്മികത്വത്തിലും യു.കെയിലെ വിവിധ മിഷനുകളിലെ മിഷന്‍ ഡയറക്ടര്‍മാരുടെ സഹകാര്‍മ്മികത്വത്തിലും വി. ബലി അര്‍പ്പണം നടന്നു. തുടര്‍ന്ന് നടന്ന പുറത്തു നമസ്‌ക്കാര പ്രാര്‍ത്ഥനയ്ക്ക് ബഹു. സുനി പടിഞ്ഞാറേക്കരയില്‍ അച്ചന്‍ നേതൃത്വം നല്‍കി. പുറത്ത് നമസ്‌ക്കാര പ്രാര്‍ത്ഥനയ്ക്കിടയില്‍ സെന്റ് തോമസ് ക്‌നാനായ കാത്തലിക് മിഷന്‍, യോര്‍ക്ക്‌ഷെയര്‍ മിഷന്‍ ഡയറക്ടര്‍ ഫാ. ജോഷി കൂട്ടുങ്കല്‍ വചന സന്ദേശം നല്‍കി. തുടര്‍ന്ന് സ്‌നേഹവിരുന്നും നടത്തപ്പെട്ടു. ജെനറല്‍ കണ്‍വീനര്‍ ജോസ് മുഖച്ചിറയിലിന്റെ നേതൃത്വത്തില്‍ ബൈജു പ്രാലേല്‍, ബേബി കുര്യാക്കോസ്, ജെയിംസ് ആകശാല എന്നിവര്‍ ഫിനാന്‍സ് കമ്മറ്റിയിലും പ്രിന്‍സ് ജെയിംസ്, സിറിള്‍ തോമസ്, ജില്‍സ് മാത്യൂ എന്നിവര്‍ ലിറ്റര്‍ജി കമ്മറ്റിയിലും ബിജു മാത്യൂ, ജോസ് അബ്രാഹം എന്നിവര്‍ ഫുഡ് കമ്മറ്റിയിലും ബിബിന്‍ ജോസ്, ബിബിന്‍ ആന്‍ഡ്രൂസ്, ജെഫിന്‍ ജോയി എന്നിവര്‍ പാര്‍ക്കിംഗ് കമ്മറ്റിയിലും റ്റെസി ജോസ്, സുമ റ്റിബി എന്നിവര്‍ ഡെക്കറേഷന്‍ കമ്മറ്റിയിലും മോളി സൈമണ്‍, ജോമോള്‍ ബൈജു എന്നിവര്‍ റിസപ്ഷന്‍ കമ്മറ്റിയിലും റ്റിബി തോമസ്, സഖറിയ പുത്തന്‍കളം എന്നിവര്‍ പബ്‌ളിസിറ്റ് കമ്മറ്റിയിലും റ്റോമി പടപുരയ്ക്കല്‍ ക്വയര്‍ കമ്മറ്റിയിലും ജോസ് പുറയംപള്ളില്‍ സൗണ്ട് സിസ്റ്റം അറേഞ്ച് ചെയ്യുന്നതിലും ലില്ലി സിറിയേക് ഹെല്‍ത്ത് & സേഫ്റ്റി കമ്മറ്റിയിലും ചേര്‍ന്ന്‌ നടത്തിയ കൂട്ടായ പരിശ്രമം പുറത്ത് നമസ്‌ക്കാര പ്രാര്‍ത്ഥന ഏറെ ഹൃദ്യമാക്കി മാറ്റുന്നതില്‍ നിര്‍ണ്ണായകമായി. പുറത്ത് നമസ്‌ക്കാര പ്രാര്‍ത്ഥനയ്ക്ക് സെന്റ് മൈക്കിള്‍ ക്‌നാനായ കാത്തലിക് മിഷന്‍ നോട്ടിംഗ്ഹാമും സെന്റ് തോമസ് ക്‌നാനായ കാത്തലിക് മിഷന്‍ യോര്‍ക്ക്‌ഷെയറും ആഥിത്യമരുളി. ക്‌നാനായക്കാരുടെ തലപ്പള്ളിയായ കടുത്തുരുത്തി വലിയപള്ളിയില്‍ മൂന്ന് നോമ്പിനോടനുബന്ധിച്ച നടത്തപ്പെടുന്ന പുറത്തുനമസ്‌ക്കാരപ്രാര്‍ത്ഥന വഴിയായി ക്‌നാനായക്കാര്‍ കുടിയേറുന്ന ഇടങ്ങളില്‍ തങ്ങളുടെ പൂര്‍വ്വികര്‍ വളര്‍ന്ന വിശ്വാസപാരമ്പര്യങ്ങളില്‍ അടിയുറച്ച് മുന്നേറുന്നതിനും സ്വത്വം നിലനിര്‍ത്തുന്നതിനും സഹായിക്കട്ടെ എന്ന് ആശംസിക്കുന്നു.
ആത്മീയ നിര്‍വൃതിയില്‍ ദൈവകരുണയാചിച്ച് യു.കെയില്‍ പുറത്തു നമസ്‌ക്കാര പ്രാര്‍ത്ഥന
യുകെ ക്‌നാനായ കാത്തലിക് മിഷനുകളുടെ നേതൃത്വത്തിൽ പ്രീമാര്യേജ് കോഴ്‌സ് നടത്തപ്പെട്ടു
യുകെ ക്‌നാനായ കാത്തലിക് മിഷനുകളുടെ നേതൃത്വത്തിൽ ക്‌നാനായ യുവതീയുവാക്കൾക്കായി പ്രീ മാര്യേജ് കോഴ്‌സ് നടത്തപ്പെട്ടു. വിവാഹജീവിതത്തിനു വേണ്ടി ഒരുങ്ങുന്ന 34 യുവതീയുവാക്കളാണ് മാക്ളസ്ഫീൽഡിലുള്ള സാവിയോ
ഇടവകയെ സ്നേഹിക്കുകയും ശുശ്രൂഷിക്കുകയും ചെയ്യുക. ഫാ. ഡാനിയേൽ പൂവണ്ണത്തിൽ
ക്രിസ്തു സ്ഥാപിച്ച സഭയെ സ്നേഹിക്കുകയും ശുശ്രൂഷ ചെയ്യുകയും ചെയ്യുക വഴി സുവിശേഷ പ്രഘോഷണതിൽ പങ്കാളികളാവുകയാണ് ഓരോരുത്തരും. ക്രിസ്തുവിന് വേണ്ടി ജീവിക്കുക ക്രിസ്തുവായി മാറുക എന്ന്
ലിവർപൂൾ ദൈവാലയ വെഞ്ചിരിപ്പ് സെപ്റ്റംബർ 20-ന്, വൈദിക ഭവന വെഞ്ചിരിപ്പ് ജൂലൈ മൂന്നിന്
Knanaya catholic UK News
യു.കെയില്‍ ക്‌നാനായ കത്തോലിക്കര്‍ക്ക് സ്വന്തമായ ഒരു ദൈവാലയം എന്ന സ്വപ്നം സാക്ഷാത്കരിക്കപ്പെടുന്നു.
ലിവര്‍പൂള്‍: യു.കെയില്‍ ക്‌നാനായ കത്തോലിക്കര്‍ക്ക് സ്വന്തമായ ഒരു ദൈവാലയം എന്ന സ്വപ്നം സാക്ഷാത്കരിക്കപ്പെടുന്നു. ലിവര്‍പൂള്‍ അതിരൂപത ലിതര്‍ലാന്റിലുള്ള സെന്റ് എലിസബത്ത് ഓഫ് ഹംഗറി ദൈവാലയവും