ലണ്ടണ് സെന്റ് ജോസഫ്സ് ക്നാനായ മിഷനില് മിഷ്യന് ലീഗിന് പുതു നേതൃത്വം
ലണ്ടണ്: സെന്റ് ജോസഫ്സ് ക്നാനായ കാത്തലിക് മിഷനില് മിഷ്യന് ലീഗിന് പുതിയ ഭാരവാഹികള്. പ്രസിഡന്റായി അലക്സ് ലൂക്കോസും വൈസ് പ്രസിഡന്റായി കെയ്ലന് ഷിനോയും സെക്രട്ടറിയായി സോനാ റോള്ഡും ട്രഷററായി ഡാനിയേല് സജിയും തിരഞ്ഞെടുക്കപ്പെട്ടു. ഈ വര്ഷത്തെ പ്രവര്ത്തന പരിപാടികള് വികാരി റവ ഫാ. മാത്യൂസ് വലിയപുത്തന്പുരയില് ഉദ്ഘാടനം ചെയ്തു.
പിറവിയുടെ സന്ദേശം നല്കി ലണ്ടണ് സെന്റ് ജോസഫ്സ് ക്നാനായ കാത്തലിക് മിഷനില് നേറ്റിവിറ്റി ഷോ
ലണ്ടണ്: പിറവിയുടെ സന്ദേശം നല്കി ലണ്ടണ് സെന്റ് ജോസഫ്സ് ക്നാനായ കാത്തലിക് മിഷനില് നേറ്റിവിറ്റി ഷോ. ഈ വര്ഷത്തെ ക്രിസ്മസ് ആഘോഷങ്ങളോടനുബന്ധിച്ച് സംഘടിപ്പിച്ച നേറ്റിവിറ്റി ഷോ വ്യത്യസ്തതകൊണ്ടും പുതുമകൊണ്ടും ഏറെ ശ്രദ്ധേയമായി. ഉച്ചകഴിഞ്ഞ് 2.30 ന് വിശുദ്ധ കുര്ബാനയെ തുടര്ന്ന് എലം പാര്ക്ക് സെന്റ് ആല്ബന്സ് ദൈവാലയത്തിന്റെ ഹാളിലാണ് പ്രോഗ്രാം സംഘടിപ്പിക്കപ്പെട്ടത്. ഈശോയുടെ പിറവിയുടെ സന്ദേശം എല്ലാവരിലും എത്തിക്കുക എന്ന ലക്ഷ്യത്തോടെ വേദപാഠ അദ്ധ്യാപകരുടെ നേതൃത്വത്തില് കുട്ടികള് അവതരിപ്പിച്ച നേറ്റിവിറ്റി ഷോ കുട്ടികള്ക്ക് എളുപ്പം മനസ്സിലാകുന്ന തരത്തിലും മുതിര്ന്നവര്ക്ക് തങ്ങള്ക്ക് പരിചിതമായ കാര്യങ്ങള് ഓര്ത്തെടുക്കുന്നതിനും സഹായകമായി. നേറ്റിവിറ്റി ഷോയോടനുബന്ധിച്ച് മിഷന്റെ വിവിധ ഏരിയകളില് നിന്നും കുട്ടികളും മുതിര്ന്നവരും അവതരിപ്പിച്ച മികവുറ്റ പ്രോഗ്രാമുകള് പിറവിയുടെ നല്ല സന്ദേശങ്ങള് നല്കുന്നവയായിരുന്നു. വികാരി ഫാ. മാത്യൂസ് വലിയപുത്തന്പുരയില് നേറ്റിവിറ്റി ഷോ ഉദ്ഘാടനം ചെയ്തു. ഹെഡ് ടീച്ചര് ശ്രീമതി ഷൈനി മച്ചാനിക്കല്, ശ്രീമതി ജിന്റു ജിമ്മി ക്ലാക്കിയില്, ശ്രീ. ഷാജി പൂത്തറ, സ്വപ്ന സാം, ജാസ്മിന് ജസ്റ്റിന്, ജെന്സി ജിനീഷ്, അല്ഫോന്സാ പൂത്തൃക്കയില്, ഹെലന് ഷാജി പൂത്തറ, മേബിള് അനു പുല്ലുകാട്ട് കൈക്കാരന്മാരായ ശ്രീ. ജോണി കല്ലിടാന്തിയില്, ശ്രീ. സാജന് പടിക്കമ്യാലില്, ശ്രീ. സജീവ് ചെമ്പകശ്ശേരില്, ശ്രീ. റെജി മൂലക്കാട്ട് എന്നിവര് നേതൃത്വം നല്കി. പ്രോഗ്രാമിനോടനുബന്ധിച്ച് ലീജിയണ് ഓഫ് മേരിയിലെ അംഗങ്ങളുടെ നേതൃത്വത്തില് ലിസ്സി ടോമി, സിബി ഷാജി, ജിനി ജെയിംസ്, ഷൈനി ഫ്രാന്സീസ്, സീലിയ സാബു, ബില്സി ജിജി, മേഴ്സി ഷാജി, ജിനി അജു, സ്റ്റെല്ബി സാജന്, റെജി ബിനു, വിജി സജി, ബിനി ഷിനോ, ആന്സി ബാബു, ജാസ്മിന് ജസ്റ്റിന്, സെലീന സജീവ്, ലിസമ്മ ജോണി എന്നിവര് ചേര്ന്ന് സ്നേഹവിരുന്നും സജ്ജമാക്കി. പ്രോഗ്രാമിനോടനുബന്ധിച്ച് നടത്തിയ ലക്കി ഡ്രോയില് ഷെക്കിന് പി. ഷാജി പാലന്തറ, സിബി കക്കുഴി ജോണി കല്ലിടാന്തിയില്, എന്നിവര് സമ്മാനാര്ഹരായി. ലിസ്സി ടോമി പടവെട്ടുംകാലായില്, ഫ്രാന്സീസ് സൈമണ് മച്ചാനിക്കല്, സജി കിണരിരിക്കുംതൊട്ടിയില് എന്നിവര് സമ്മാനങ്ങള് സ്പോണ്സര് ചെയ്തു. പ്രോഗ്രാമില് കഴിഞ്ഞ വാഴ്വ് -2023 ന് രജിസ്ട്രേഷനായി സഹായിച്ച ജോജു അനുവിന് ഫലകം നല്കി ആദരിച്ചു.
ലണ്ടണ് ക്നാനായ കാത്തലിക് മിഷനില് ആത്മീയ പ്രഭവിതറി മാര് ജോസഫ് പണ്ടാരശ്ശേരില് പിതാവിന്റെ മിഷന് സന്ദര്ശനം
ലണ്ടണ്: സെന്റ് ജോസഫ്സ് ക്നാനായ കാത്തലിക് മിഷനില് ആത്മീയ പ്രഭവിതറി മാര് ജോസഫ് പണ്ടാരശ്ശേരില് മിഷന് സന്ദര്ശനം നടത്തി. 13-ാം തീയതി വൈകുന്നേരം 7.30 ന് ഹോഡസ്ഡണ് സെന്റ് അഗസ്റ്റിന് ദൈവാലയത്തില് എത്തിച്ചേര്ന്ന അഭിവന്ദ്യ പണ്ടാരശ്ശേരില് പിതാവിനെ കൈക്കാരന്മാരായ ശ്രീ. ജോണി കല്ലിടാന്തിയില്, ശ്രീ. സാജന് പടിക്കമ്യാലില്, ശ്രീ. സജീവ് ചെമ്പകശ്ശേരില് എന്നിവര് ചേര്ന്ന് സ്വീകരിച്ചു. തുടര്ന്ന് അഭി. പിതാവിന്റെ മുഖ്യ കാര്മ്മികത്വത്തില് വി. കുര്ബാനയര്പ്പണം നടന്നു. പരിശുദ്ധ അമ്മയുടെ സ്തോത്രഗീതം പോലെ നമുക്കും ദൈവം കഴിഞ്ഞ നാളുകളില് നല്കിയ നല്കിയ നന്മകളോര്ത്ത് സ്തോത്രഗീതം പാടാന് കഴിയണമെന്ന് അഭിവന്ദ്യ പിതാവ് തന്റെ വചന സന്ദേശത്തില് ഉത്ബോധിപ്പിച്ചു. വി. കുര്ബാനയെ തുടര്ന്ന് മിഷന് ഞായറാഴ്ചയോടനുബന്ധിച്ച് നടത്തിയ പ്രോഗ്രാമുകളില് നിന്ന് മിഷന് ലീഗിലെ കുട്ടികള് സമാഹരിച്ച തുക കോട്ടയം അതിരൂപത ഏറ്റെടുത്ത് നടത്തുന്ന പഞ്ചാബ് മിഷനിലെ മിഷനറി പ്രവര്ത്തനങ്ങള്ക്കായി മിഷന് ലീഗ് വൈസ് പ്രസിഡന്റ് കെയ്ലിന് ഷിനോ, ട്രഷറര് ഡാനിയേല് സജി, ഹെഡ് ടീച്ചര് ഷെനി മച്ചാനിക്കല്, ജിന്റു ജിമ്മി ക്ലാക്കിയില്, ജെറി തൊണ്ടിപ്പറമ്പില് എന്നിവര് ചേര്ന്ന് അഭി. പിതാവിന് നല്കി. തുടര്ന്ന് ലീജിയണ് ഓഫ് മേരിയില് പ്രവര്ത്തിക്കുന്ന അംഗങ്ങള്ക്കായി അഭി. പിതാവ് പ്രാര്ത്ഥിക്കുകയും അവര്ക്ക് പ്രാര്ത്ഥനാശംസകള് നേരുകയും ചെയ്തു. തുടര്ന്ന് അഭി. പിതാവ് എല്ലാവരെയും അഭിസംബോധന ചെയ്ത് സംസാരിക്കുകയും പൊതു സംശയങ്ങള്ക്ക് മറുപടി നല്കുകയും ചെയ്തു. സ്നേഹവിരുന്നോടെ പ്രസ്തുത സന്ദര്ശനം സമംഗളം പര്യവസാനിച്ചു. സന്ദര്ശനത്തോടനുബന്ധിച്ച് മിഷനിലുള്ള വിവിധ ഭവനങ്ങള് സന്ദര്ശിക്കുകയും രോഗികളായിട്ടുള്ളവരെ സന്ദര്ശിക്കുകയും അവര്ക്കുവേണ്ടി പ്രാര്ത്ഥിക്കുകയും ചെയ്തു. മിഷന് പ്രവര്ത്തനങ്ങള്ക്ക് കൂടുതല് ഊര്ജ്ജവും ദിശാബോധവും നല്കുന്നതായിരുന്നു അഭി. പിതാവിന്റെ മിഷന് സന്ദര്ശനം.








സകല വിശുദ്ധരുടെയും തിരുനാളും മിഷന് ഞായറും സംയുക്തമായി ആഘോഷിച്ചു
ലണ്ടണ്: സെന്റ് ജോസഫ്സ് ക്നാനായ കാത്തലിക് മിഷനില് മിഷന് ഞായറും സകല വിശുദ്ധരുടെയും തിരുനാളും സംയുക്തമായി ആചരിച്ചു. സകല വിശുദ്ധരുടെയും തിരുനാളിനോടനുബന്ധിച്ച് വേദപാഠം പഠിക്കുന്ന കുട്ടികള് വിശുദ്ധരുടെ വേഷം ധരിച്ച് എത്തുകയും അവര് പ്രതിനിധാനം ചെയ്യുന്ന വിശുദ്ധരെക്കുറിച്ച് ജനങ്ങളോട് സംസാരിക്കുകയും ചെയ്തു. മിഷന് ഞായര് ദിനാഘോഷത്തോടനുബന്ധിച്ച് കുട്ടികള്ക്കും മുതിര്ന്നവര്ക്കുമായി മിഷന് ലീഗ് കുട്ടികളുടെ നേതൃത്വത്തില് വിവിധ ഗെയിമുകള് സംഘടിപ്പിച്ചു. ബേക്ക് സെയില്, സ്നാക്സ് സെയില്, ലേലം എന്നിവയും മിഷന് ഞായറിനോടനുബന്ധിച്ച് നടത്തി. പ്രസ്തുത കാര്യങ്ങളില് നിന്നും പിരിഞ്ഞ് കിട്ടിയ തുക മിഷന് പ്രവര്ത്തനങ്ങള്ക്കായി നല്കുന്നതിന് തീരുമാനിച്ചു. സ്വപ്ന സാം, മിഷേല് ഷാജി, ജെറി അബ്രാഹം, ജിന്റു ജിമ്മി, ഷൈനി ഫ്രാന്സിസ്, സുജ സോയ്മോന്, സ്റ്റേല്ബി സാജന്, റെജി ബിജു, ബിനിമോള് ഷിനോ, ബീനാ റോള്ഡ്, സജി വെമ്മേലില്, ഷാജി പൂത്തറ, സാജന് പടിക്കമ്യാലില്, ജോണി കല്ലിടാന്തിയില്, സജീവ് ചെമ്പകശ്ശേരില്, ജസ്റ്റിന്, ലിസി ടോമി, മിഷന് ലീഗ് ഭാരവാഹികളായ അലക്സ് ലൂക്കോസ്, സോന റോള്ഡ്, കെയ്ലിന് ഷിനോ, ഡാനിയല് സജി, എന്നിവര് പരിപാടികള്ക്ക് നേതൃത്വം നല്കി




Congrats Jeff
ലണ്ടണ്: കോട്ടയം അതിരൂപതാംഗവും ലണ്ടണില് സ്ഥിരതാമസവുമുള്ള പന്തമാംചുവട്ടില് അനി ജോസഫിന്റെയും ജീന അനിയുടെയും മകന് ജെഫ് അനി ജോസഫ് ഓള് ഇംഗ്ളണ്ട് അണ്ടര് 17 ബാറ്റ്മിന്ണ് ചാമ്പ്യന്ഷിപ്പില് സ്വര്ണ്ണമെഡല് സ്വന്തമാക്കി. കഴിഞ്ഞ മാസം ഹെര്ട്ട്ഫോര്ഷെയര് അണ്ടര് 18 സ്ക്വാഡിന്റെ ഭാഗമായി മത്സരിക്കുകയും നാഷണല് ചാമ്പ്യന്ഷിപ്പ് സ്വന്തമാക്കിയിട്ടുണ്ട്. സെന്റ് ജോസഫ്സ് ക്നാനായ കാത്തലിക് മിഷന് കൂട്ടായ്മയുടെ മംഗളങ്ങളും സ്നേഹപൂര്വ്വം നേരുന്നു.

വാഴ്വ് 2023 ന് ഗംഭീര പരിസമാപ്തി.
UK ക്നാനായ മിഷനുകളുടെ നേതൃത്വത്തിൽ നടത്തിയ പ്രഥമ ക്നാനായ കുടുംബ സംഗമം -വാഴ്വ് 2023- ന് ഗംഭീര പരിസമാപ്തി. ഏപ്രിൽ 29, ശനിയാഴ്ച മാഞ്ചെസ്റ്ററിൻ്റെ മണ്ണിലാണ് UKയിലെ 15 ക്നാനായ മിഷനിലെ വിശ്വാസികൾ ഒന്നു ചേർന്നത്. ക്നാനായ സമുദായത്തിൻ്റെ വലിയ മെത്രാപ്പോലീത്ത അഭിവന്ദ്യ മാർ മാത്യു മൂലക്കാട്ട് പിതാവിൻ്റെ സാന്നിധ്യം വാഴ്വ് 2023 ന് ആവേശമായി. 5 വർഷങ്ങൾക്ക് ശേഷം UK യിൽ എത്തിയ വലിയ ഇടയനെ ചെണ്ടമേളത്തിൻ്റെ അകമ്പടിയോടെ നടവിളിച്ചാണ് ക്നാനായ ജനം വരവേറ്റത്.
പരിശുദ്ധ കുർബാനയുടെ ആരാധനയെ തുടർന്നുള്ള വി. കുർബാനയിൽ മാർ മാത്യു മൂലക്കാട്ട് പിതാവിനൊപ്പം UK യിലെ മുഴുവൻ ക്നാനായ വൈദികരും സഹകാർമ്മികരായിരുന്നു. വി.കുർബാനയ്ക്ക് ശേഷം ലീജിയൺ ഓഫ് മേരി, മിഷൻ ലീഗ്, തിരുബാല സഖ്യം എന്നീ സംഘടനകൾക്ക് ഓദ്യോഗിക തുടക്കം കുറിച്ചു. തുടർന്ന് നടന്ന പൊതു സമ്മേളനത്തിൽ UK യിലെ ക്നാനായ വികാരി ജനറാൾ ബഹുമാനപ്പെട്ട ഫാ. സജി മലയിൽ പുത്തൻപുരയിൽ അധ്യക്ഷനായിരുന്നു. ജനറൾ കൺവീനർ ഡീക്കൻ അനിൽ ലൂക്കോസ് ഒഴുകയിൽ ഏവർക്കും സ്വാഗതം ആശംസിച്ചു. അഭിവന്ദ്യ മൂലക്കാട്ട് പിതാവ് സമ്മേളനം ഉദ്ഘാടനം ചെയ്തു. ഗ്രേറ്റ് ബ്രിട്ടൻ സീറോ മലബാർ രൂപതാ ബിഷപ്പ് മാർ ജോസഫ് സ്രാമ്പിക്കൽ, MP മൈക്ക് കേയ്ൻ, KCC അതി രൂപതാ സെക്രട്ടറി ശ്രീ ബേബി മുളവേലിപ്പുറത്ത്, എന്നിവർ കൂടാതെ മിഷൻ പ്രതിനിധികളും വേദിയിൽ സന്നിഹിതരായിരുന്നു.

ക്നാനായ സിംഫണി, ഭക്തി സാന്ദ്രമായ choir, ക്നാനായ തനിമയും പാമ്പര്യവും വിളിച്ചോതുന്ന കലാപരിപാടികൾ, അഭിവന്ദ്യ മൂലക്കാട്ട് പിതാവിനോടും വൈദികരോടും ഒപ്പമുള്ള ബറുമറിയം ആലാപനം തുടങ്ങിയവ മാഞ്ചെസ്റ്ററിലെ Audacious church ഓഡിറ്റോറിയത്തിൽ തിങ്ങി നിറഞ്ഞ ആയിരക്കണക്കിന് ക്നാനായ ജനങ്ങൾക്ക് സന്തോഷ വിരുന്നൊരുക്കി. വരും വർഷങ്ങളിലും ഇതുപോലുള്ള ഒത്തുചേരൽ സാധ്യമാകുമെന്ന് പ്രഖ്യാപിച്ചു.
നാളുകൾക്ക് ശേഷം കണ്ടുമുട്ടുന്ന പരിചയക്കാരെ കാണുവാനും സൗഹൃദം പങ്കു വയ്ക്കുവാനും സാധിച്ചത് ഏവർക്കും സന്തോഷേമേകി. സംഘാടക മികവുകൊണ്ടും, വിവിധ കമ്മറ്റികളുടെ അശ്രാന്ത പരിശ്രമം കൊണ്ടും വൻ വിജയമായിത്തീർന്ന വാഴ്വ് 2023 ൽ പങ്കെടുത്തവരെല്ലാം നിറഞ്ഞ ഹൃദയത്തോടെയാണ് സമ്മേളന നഗരിയിൽ നിന്നും യാത്രയായത്.
Publicity and Media committee
വാഴ്വ് 2023 ൻ്റ പ്രോഗ്രാമുകൾ അതിൻറെ തനിമയിൽ ലോകമെമ്പാടുമുള്ള എല്ലാ ജനങ്ങളിലേക്ക് എത്തിക്കുവാൻ ക്നാനായ ന്യൂസും,ക്നാനായ വോയിസും,അപ്നാദേശും, ഒരുങ്ങിക്കഴിഞ്ഞു.
“വാഴ്വ് ” ഒരുക്കങ്ങൾ പൂർത്തിയായി, ക്നാനായ കുടുംബങ്ങൾ ശനിയാഴ്ച ആവേശത്തോടെ മാഞ്ചസ്റ്ററിലേക്ക്
“വാഴ്വ് ” ഒരുക്കങ്ങൾ പൂർത്തിയായി, ക്നാനായ കുടുംബങ്ങൾ ശനിയാഴ്ച ആവേശത്തോടെ മാഞ്ചസ്റ്ററിലേക്ക് .
നാളെ മാഞ്ചസ്റ്ററിൽ വച്ച്
UK ക്നാനായ കാത്തലിക് മിഷന്റെ നേതൃത്വത്തിൽ നടക്കുന്ന കുടുംബ സംഗമം ” വാഴ്വ്” ന്റെ ഒരുക്കങ്ങൾ പൂർത്തിയായി കഴിഞ്ഞു.
ശനിയാഴ്ചത്തെ പൊൻപുലരി പൊട്ടി വിരിയും മുമ്പേ മാഞ്ചസ്റ്റിലേക്ക് യാത്ര തുടങ്ങാൻ പല കുടുംബങ്ങളും തയ്യാറാടുക്കുമ്പോൾ മറ്റ് ചിലർ തലേ ദിവസം വന്ന് ഹോട്ടൽ അക്കോമഡേഷനും ബന്ധുമിത്രാദികളുടെ വീടുകളും ഒക്കെ മുൻകൂട്ടി തയ്യാറാക്കി കഴിഞ്ഞു.
ചുരുങ്ങിയ സമയത്തിനുള്ളിൽ തന്നെ ക്നാനായ കത്തോലിക്ക സമുദായത്തിന്റെ വലിയ ഇടയൻ മാർ മാത്യു മൂലക്കാട്ട് മെത്രാനൊപ്പം തങ്ങളുടെ ഈ കുടുംബ കൂട്ടായ്മയിൽ പങ്ക് ചേരാൻ നിരവധി പേരാണ് രജിസ്റ്റർ ചെയ്തിരിക്കുന്നത്. പ്രതീക്ഷിച്ചതിലും കവിഞ്ഞ കുടുംബങ്ങളുടെ എണ്ണം മൂലം വാഴ് വിന്റെ രജിഷ്ട്രേഷൻ ഏപ്രിൽ 23 ന് ക്ലോസ് ചെയ്യാൻ സംഘാടകർ നിർബന്ധിതരായിരിക്കുകയാണ്.
വിശിഷ്ടാദിഥികൾക്കൊപ്പം വി.കുർബാനയും പൊതുസമ്മേളനവും ക്നാനായ സിംഫണി എന്ന പാട്ടിന്റെ പാലാഴിയും യുവത്വത്തിന്റെ ഫിനാലെ ഡാൻസും മറ്റ് കലാപരിപാടികളുമൊക്കെയായി വളരെ ആനന്ദദായകമായ ഒരു ദിവസമാണ് ഈ വാഴ് വിനായി ഒരുക്കിയിരിക്കുന്നത്.
വാഴ്വ് (ക്നാനായ കുടുംബ സംഗമം) ന്റെ ഒരുക്കങ്ങള് പൂര്ത്തിയായി
യു.കെ. യില് ക്നാനായ ജനങ്ങള്ക്ക് മാത്രമായി ക്നാനായ മിഷനുകള് സ്ഥാപിക്കപ്പെട്ടതിനു ശേഷം നടത്തുന്ന പ്രഥമ ക്നാനായ കുടുംബ സംഗമത്തിന്- വാഴ്വ് 2023- ഒരുക്കങ്ങള് പൂര്ത്തിയായി. ക്നാനായക്കാരുടെ കൂട്ടായ്മകള് ഇതിന് മുമ്പും യു.കെ.യില് സംഘടിപ്പിക്കപ്പെട്ടിട്ടുണ്ടെങ്കിലും ഇത് ആദ്യമായാണ് മിഷന് തലത്തില് ഒരു സംഗമം നടത്തപ്പെടുന്നത്. അതുകൊണ്ടുതന്നെ ഒരു വിശ്വാസ-പൈതൃക സമന്വയ സംഗമമായിട്ടാണ് യു.കെ.യിലെ ക്നാനായ കത്തോലിക്കാ വിശ്വാസികള് ഇതിനെ ഉറ്റുനോക്കുന്നത്. ഗ്രേറ്റ് ബ്രിട്ടണ് സീറോമലബാര് രൂപതയില് ക്നാനായക്കാരുടെ അധിക ചുമതലയുള്ള വികാരി ജനറാള് ബഹു. സജി മലയില്പുത്തന്പുരയിലിന്റെ നേതൃത്വത്തിലാണ് ഇതിനായുള്ള ക്രമീകരണങ്ങള് പുരോഗമിക്കുന്നത്. അനേകം ആളുകളെ ഉള്ക്കൊള്ളാന് ശേഷിയുള്ള മാഞ്ചസ്റ്ററിലെ ഒഡേഷ്യസ് ദൈവാലയത്തിന്റെ ഓഡിറ്റോറിയത്തിലാണ് വാഴ്വ് 2023 സംഘടിപ്പിച്ചിരിക്കുന്നത്. (Trinity Way, Manchester, M37BD).