മിഷന്‍ പ്രവര്‍ത്തനങ്ങള്‍ക്ക് ഊര്‍ജ്ജം നല്‍കി അഭി. പണ്ടാരശ്ശേരില്‍ പിതാവിന്റെ മിഷന്‍ സന്ദര്‍ശനം


ഈസ്റ്റ് ആന്‍ഗ്ലിയ: സെന്റ് തെരേസ ഓഫ് കല്‍ക്കട്ട ക്‌നാനായ കാത്തലിക് പ്രപ്പോസ്ഡ് മിഷനില്‍ മിഷന്‍ പ്രവര്‍ത്തനങ്ങള്‍ക്ക് ഊര്‍ജ്ജം നല്‍കി അഭി. ജോസഫ് പണ്ടാരശ്ശേരില്‍ പിതാവിന്റെ മിഷന്‍ സന്ദര്‍ശനം ഡിസംബര്‍ മാസം 17-ാം തീയിതി ഉച്ചകഴിഞ്ഞ് 3 മണിക്ക് കേംബ്രിഡ്ജിലുള്ള സെന്റ് ലോറന്‍സ് ദൈവാലയത്തില്‍ എത്തിച്ചേര്‍ന്ന അഭി. പിതാവിനെ വികാരി ഫാ. മാത്യൂസ് വലിയപുത്തന്‍പുരയില്‍, കൈക്കാരന്മാരായ ഡോണി കിഴക്കേപ്പറമ്പില്‍, മഹേഷ് ചേന്നങ്ങാട്ട്, അകൗണ്ടന്റ് റ്റോമി ഒഴുങ്ങാലില്‍ എന്നിവര്‍ ചേര്‍ന്ന് സ്വീകരിച്ചു. ലീജിയണ്‍ ഓഫ് മേരിയുടെ ഉദ്ഘാടനവും 13 അംഗങ്ങളുടെ പ്രതിജ്ഞയും അഭി. പിതാവിന്റെ സാന്നിദ്ധ്യത്തില്‍ നടന്നു. തുടര്‍ന്ന് നടന്ന വി. കുര്‍ബാനയക്ക് അഭി. പണ്ടാരശ്ശേരില്‍ പിതാവ് മുഖ്യ കാര്‍മ്മികത്വം വഹിച്ചു. ദൈവം നമുക്ക് നല്‍കിയിരിക്കുന്ന നന്മകളെ തിരിച്ചറിയുന്നതിനു നമുക്ക് സാധിക്കണമെന്നും വചനത്തിന് സാക്ഷ്യം വഹിക്കുവാന്‍ നാം ആയിരിക്കുന്ന ഇടങ്ങളില്‍ പരിശ്രമിക്കണമെന്നും വരും തലമുറയ്ക്ക് വചനത്തോട് ആഭിമുഖ്യം ലഭിക്കുന്നതിന് നാം ശ്രദ്ധിക്കണമെന്നും അഭി. പിതാവ് തന്റെ വചന സന്ദേശത്തില്‍ ഉദ്‌ബോധിപ്പിച്ചു. കുര്‍ബാനയെ തുടര്‍ന്ന് മിഷനുമായി ബന്ധപ്പെട്ട സംശയങ്ങള്‍ക്ക് അഭി. പിതാവ് മറുപടി നല്‍കി. സന്ദര്‍ശനത്തോടനുബന്ധിച്ച് സ്‌നേഹവിരുന്നും ക്രമീകരിച്ചിരുന്നു.

ഈസ്റ്റ് ആഗ്‌ളിയ മിഷനില്‍ തിരുനാള്‍ ആഘോഷം വര്‍ണ്ണാഭമായി

ഈസ്റ്റ് ആംഗ്‌ളിയ ക്‌നാനായ കാത്തലിക് പ്രപ്പോസ്ഡ് മിഷനില്‍ വി. മദര്‍ തെരേസയുടെ തിരുനാള്‍ ന്യൂമാര്‍ക്കറ്റ് പള്ളിയില്‍ വച്ച് ഒക്‌ടോബര്‍ മാസം 7-ാം തീയതി വര്‍ണ്ണാഭമായി നടന്നു. 11 മണിക്ക് വികാരി ഫാ. മാത്യൂസ് വലിയപുത്തന്‍പുരയില്‍ പതാക ഉയര്‍ത്തിയതോടെ തിരുനാള്‍ ആഘോഷങ്ങള്‍ക്ക് തുടക്കമായി. തുടര്‍ന്ന് പ്രസുദേന്തി വാഴ്ചയും ലദീഞ്ഞും നടത്തപ്പെട്ടു. ബര്‍മിംഗ്ഹാം, ത്രീ കൗണ്ടി എന്നീ മിഷനുകളുടെ ഡയറക്ടര്‍ ഫാ. ഷഞ്ചു കൊച്ചുപറമ്പിലിന്റെ മുഖ്യ കാര്‍മ്മികത്വത്തില്‍ ആഘോഷമായി വി. കുര്‍ബാന നടത്തപ്പെട്ടു. മുന്‍ മിഷന്‍ ഡയറക്ടറും യോര്‍ക്ക്‌ഷെയര്‍ മിഷന്‍ ഡയറക്ടറുമായ ബഹു. ജോഷി കൂട്ടുങ്കല്‍ തിരുനാള്‍ സന്ദേശം നല്‍കി. വി. കുര്‍ബാനയ്ക്ക് ശേഷം തിരുനാള്‍ പ്രദക്ഷിണവും പരി. കുര്‍ബാനയുടെ ആശീര്‍വ്വാദവും ഉണ്ടായിരുന്നു. തുടര്‍ന്ന് ന്യൂ മാര്‍ക്കറ്റ് ലെയ്ഷര്‍ സെന്ററില്‍ വച്ച് സ്‌നേഹവിരുന്നും കലാവിരുന്നും നടത്തപ്പെട്ടു. ഡെക്കറേഷന്‍ കമ്മറ്റി, ലിറ്റര്‍ജി കമ്മറ്റി, പ്രോഗ്രാം കമ്മറ്റി, പ്രദക്ഷിണം കമ്മറ്റി, ഫുഡ് ആന്‍ഡ് സ്റ്റേജ് കമ്മറ്റി, ക്വയര്‍, എന്നീ വിവിധ കമ്മറ്റികളിലായി എല്ലാവരും തിരുനാളിന്റെ വിജയത്തിനായി അക്ഷീണം പരിശ്രമിച്ചു. തിരുനാളിനാവശ്യമായ എല്ലാക്കാര്യങ്ങളും അംഗങ്ങള്‍ തന്നെ സ്‌പോണ്‍സര്‍ ചെയ്ത് നാട്ടില്‍ നിന്നും എത്തിക്കുകയും അത് തിരുനാള്‍ ആഘോഷങ്ങള്‍ക്ക് മാറ്റ് കൂട്ടുകയും ചെയ്തു. തിരുനാള്‍ കണ്‍വീനറായിരുന്ന ബഹു. തോമസ് ചെറുതാന്നിയില്‍ തിരുനാള്‍ ആഘോഷങ്ങള്‍ക്ക് നേതൃത്വം നല്‍കി.

വാഴ്‌വ് 2023 ന് ഗംഭീര പരിസമാപ്തി.

UK ക്നാനായ മിഷനുകളുടെ നേതൃത്വത്തിൽ നടത്തിയ പ്രഥമ ക്നാനായ കുടുംബ സംഗമം -വാഴ്‌വ് 2023- ന് ഗംഭീര പരിസമാപ്തി. ഏപ്രിൽ 29, ശനിയാഴ്ച മാഞ്ചെസ്റ്ററിൻ്റെ മണ്ണിലാണ് UKയിലെ 15 ക്നാനായ മിഷനിലെ വിശ്വാസികൾ ഒന്നു ചേർന്നത്. ക്നാനായ സമുദായത്തിൻ്റെ വലിയ മെത്രാപ്പോലീത്ത അഭിവന്ദ്യ മാർ മാത്യു മൂലക്കാട്ട് പിതാവിൻ്റെ സാന്നിധ്യം വാഴ്‌വ് 2023 ന് ആവേശമായി. 5 വർഷങ്ങൾക്ക് ശേഷം UK യിൽ എത്തിയ വലിയ ഇടയനെ ചെണ്ടമേളത്തിൻ്റെ അകമ്പടിയോടെ നടവിളിച്ചാണ് ക്നാനായ ജനം വരവേറ്റത്.

പരിശുദ്ധ കുർബാനയുടെ ആരാധനയെ തുടർന്നുള്ള വി. കുർബാനയിൽ മാർ മാത്യു മൂലക്കാട്ട് പിതാവിനൊപ്പം UK യിലെ മുഴുവൻ ക്നാനായ വൈദികരും സഹകാർമ്മികരായിരുന്നു. വി.കുർബാനയ്ക്ക് ശേഷം ലീജിയൺ ഓഫ് മേരി, മിഷൻ ലീഗ്, തിരുബാല സഖ്യം എന്നീ സംഘടനകൾക്ക് ഓദ്യോഗിക തുടക്കം കുറിച്ചു. തുടർന്ന് നടന്ന പൊതു സമ്മേളനത്തിൽ UK യിലെ ക്നാനായ വികാരി ജനറാൾ ബഹുമാനപ്പെട്ട ഫാ. സജി മലയിൽ പുത്തൻപുരയിൽ അധ്യക്ഷനായിരുന്നു. ജനറൾ കൺവീനർ ഡീക്കൻ അനിൽ ലൂക്കോസ് ഒഴുകയിൽ ഏവർക്കും സ്വാഗതം ആശംസിച്ചു. അഭിവന്ദ്യ മൂലക്കാട്ട് പിതാവ് സമ്മേളനം ഉദ്ഘാടനം ചെയ്തു. ഗ്രേറ്റ് ബ്രിട്ടൻ സീറോ മലബാർ രൂപതാ ബിഷപ്പ് മാർ ജോസഫ് സ്രാമ്പിക്കൽ, MP മൈക്ക് കേയ്ൻ, KCC അതി രൂപതാ സെക്രട്ടറി ശ്രീ ബേബി മുളവേലിപ്പുറത്ത്, എന്നിവർ കൂടാതെ മിഷൻ പ്രതിനിധികളും വേദിയിൽ സന്നിഹിതരായിരുന്നു.

ക്നാനായ സിംഫണി, ഭക്തി സാന്ദ്രമായ choir, ക്നാനായ തനിമയും പാമ്പര്യവും വിളിച്ചോതുന്ന കലാപരിപാടികൾ, അഭിവന്ദ്യ മൂലക്കാട്ട് പിതാവിനോടും വൈദികരോടും ഒപ്പമുള്ള ബറുമറിയം ആലാപനം തുടങ്ങിയവ മാഞ്ചെസ്റ്ററിലെ Audacious church ഓഡിറ്റോറിയത്തിൽ തിങ്ങി നിറഞ്ഞ ആയിരക്കണക്കിന് ക്നാനായ ജനങ്ങൾക്ക് സന്തോഷ വിരുന്നൊരുക്കി. വരും വർഷങ്ങളിലും ഇതുപോലുള്ള ഒത്തുചേരൽ സാധ്യമാകുമെന്ന് പ്രഖ്യാപിച്ചു.

നാളുകൾക്ക് ശേഷം കണ്ടുമുട്ടുന്ന പരിചയക്കാരെ കാണുവാനും സൗഹൃദം പങ്കു വയ്ക്കുവാനും സാധിച്ചത് ഏവർക്കും സന്തോഷേമേകി. സംഘാടക മികവുകൊണ്ടും, വിവിധ കമ്മറ്റികളുടെ അശ്രാന്ത പരിശ്രമം കൊണ്ടും വൻ വിജയമായിത്തീർന്ന വാഴ്‌വ് 2023 ൽ പങ്കെടുത്തവരെല്ലാം നിറഞ്ഞ ഹൃദയത്തോടെയാണ് സമ്മേളന നഗരിയിൽ നിന്നും യാത്രയായത്.

Publicity and Media committee

വാഴ്‌വ് 2023 ൻ്റ പ്രോഗ്രാമുകൾ അതിൻറെ തനിമയിൽ ലോകമെമ്പാടുമുള്ള എല്ലാ ജനങ്ങളിലേക്ക് എത്തിക്കുവാൻ ക്നാനായ ന്യൂസും,ക്നാനായ വോയിസും,അപ്നാദേശും, ഒരുങ്ങിക്കഴിഞ്ഞു.

ലൈവ് ടെലികാസ്റ്റ് ലിങ്കുകൾ താഴെ കൊടുത്തിരിക്കുന്നു.

Knanaya News.com
YOUTUBE
https://www.youtube.com/live/gx9tA97L6YQ?feature=share

https://www.youtube.com/user/knanaya

FACEBOOK
https://www.facebook.com/knanayanews/live/

KnanayaVoice

Facebook – https://www.facebook.com/KnanayaVoice

ApnadesTV

YouTube
https://youtube.com/live/7glL5d7X4GI

“വാഴ്‌വ് ” ഒരുക്കങ്ങൾ പൂർത്തിയായി, ക്നാനായ കുടുംബങ്ങൾ ശനിയാഴ്ച ആവേശത്തോടെ മാഞ്ചസ്റ്ററിലേക്ക്

“വാഴ്‌വ് ” ഒരുക്കങ്ങൾ പൂർത്തിയായി, ക്നാനായ കുടുംബങ്ങൾ ശനിയാഴ്ച ആവേശത്തോടെ മാഞ്ചസ്റ്ററിലേക്ക് .

നാളെ മാഞ്ചസ്റ്ററിൽ വച്ച്
UK ക്നാനായ കാത്തലിക് മിഷന്റെ നേതൃത്വത്തിൽ നടക്കുന്ന കുടുംബ സംഗമം ” വാഴ്‌വ്” ന്റെ ഒരുക്കങ്ങൾ പൂർത്തിയായി കഴിഞ്ഞു.

ശനിയാഴ്ചത്തെ പൊൻപുലരി പൊട്ടി വിരിയും മുമ്പേ മാഞ്ചസ്റ്റിലേക്ക് യാത്ര തുടങ്ങാൻ പല കുടുംബങ്ങളും തയ്യാറാടുക്കുമ്പോൾ മറ്റ് ചിലർ തലേ ദിവസം വന്ന് ഹോട്ടൽ അക്കോമഡേഷനും ബന്ധുമിത്രാദികളുടെ വീടുകളും ഒക്കെ മുൻകൂട്ടി തയ്യാറാക്കി കഴിഞ്ഞു.

ചുരുങ്ങിയ സമയത്തിനുള്ളിൽ തന്നെ ക്നാനായ കത്തോലിക്ക സമുദായത്തിന്റെ വലിയ ഇടയൻ മാർ മാത്യു മൂലക്കാട്ട് മെത്രാനൊപ്പം തങ്ങളുടെ ഈ കുടുംബ കൂട്ടായ്മയിൽ പങ്ക് ചേരാൻ നിരവധി പേരാണ് രജിസ്റ്റർ ചെയ്തിരിക്കുന്നത്. പ്രതീക്ഷിച്ചതിലും കവിഞ്ഞ കുടുംബങ്ങളുടെ എണ്ണം മൂലം വാഴ് വിന്റെ രജിഷ്ട്രേഷൻ ഏപ്രിൽ 23 ന് ക്ലോസ് ചെയ്യാൻ സംഘാടകർ നിർബന്ധിതരായിരിക്കുകയാണ്.

വിശിഷ്ടാദിഥികൾക്കൊപ്പം വി.കുർബാനയും പൊതുസമ്മേളനവും ക്നാനായ സിംഫണി എന്ന പാട്ടിന്റെ പാലാഴിയും യുവത്വത്തിന്റെ ഫിനാലെ ഡാൻസും മറ്റ് കലാപരിപാടികളുമൊക്കെയായി വളരെ ആനന്ദദായകമായ ഒരു ദിവസമാണ് ഈ വാഴ് വിനായി ഒരുക്കിയിരിക്കുന്നത്.

വാഴ്‌വ് (ക്‌നാനായ കുടുംബ സംഗമം) ന്റെ ഒരുക്കങ്ങള്‍ പൂര്‍ത്തിയായി

യു.കെ. യില്‍ ക്‌നാനായ ജനങ്ങള്‍ക്ക് മാത്രമായി ക്‌നാനായ മിഷനുകള്‍ സ്ഥാപിക്കപ്പെട്ടതിനു ശേഷം നടത്തുന്ന പ്രഥമ ക്‌നാനായ കുടുംബ സംഗമത്തിന്- വാഴ്‌വ് 2023- ഒരുക്കങ്ങള്‍ പൂര്‍ത്തിയായി. ക്‌നാനായക്കാരുടെ കൂട്ടായ്മകള്‍ ഇതിന് മുമ്പും യു.കെ.യില്‍ സംഘടിപ്പിക്കപ്പെട്ടിട്ടുണ്ടെങ്കിലും ഇത് ആദ്യമായാണ് മിഷന്‍ തലത്തില്‍ ഒരു സംഗമം നടത്തപ്പെടുന്നത്. അതുകൊണ്ടുതന്നെ ഒരു വിശ്വാസ-പൈതൃക സമന്വയ സംഗമമായിട്ടാണ് യു.കെ.യിലെ ക്‌നാനായ കത്തോലിക്കാ വിശ്വാസികള്‍ ഇതിനെ ഉറ്റുനോക്കുന്നത്. ഗ്രേറ്റ് ബ്രിട്ടണ്‍ സീറോമലബാര്‍ രൂപതയില്‍ ക്‌നാനായക്കാരുടെ അധിക ചുമതലയുള്ള വികാരി ജനറാള്‍ ബഹു. സജി മലയില്‍പുത്തന്‍പുരയിലിന്റെ നേതൃത്വത്തിലാണ് ഇതിനായുള്ള ക്രമീകരണങ്ങള്‍ പുരോഗമിക്കുന്നത്. അനേകം ആളുകളെ ഉള്‍ക്കൊള്ളാന്‍ ശേഷിയുള്ള മാഞ്ചസ്റ്ററിലെ ഒഡേഷ്യസ് ദൈവാലയത്തിന്റെ ഓഡിറ്റോറിയത്തിലാണ് വാഴ്‌വ് 2023 സംഘടിപ്പിച്ചിരിക്കുന്നത്. (Trinity Way, Manchester, M37BD).

St.Theresa of Calcutta Knanaya Catholic Mission East Anglia കഴിഞ്ഞ അധ്യയന വർഷത്തിലെ മതബോധന പരീക്ഷകളിൽ സമ്മാനാര്ഹരായവർക്കുംറീജിയണൽ , രൂപതാ, ബൈബിൾ കലോത്സവത്തിൽ വിജയിച്ചവർക്കും വികാരി ഫാ.മാത്യൂസ്‌ വലിയപുത്തെൻപുരയിൽ സമ്മാനദാനം നിർവഹിക്കുന്നു

St.Theresa of Calcutta Knanaya Catholic Mission East Anglia കഴിഞ്ഞ അധ്യയന വർഷത്തിലെ മതബോധന പരീക്ഷകളിൽ സമ്മാനാര്ഹരായവർക്കും റീജിയണൽ , രൂപതാ, ബൈബിൾ കലോത്സവത്തിൽ വിജയിച്ചവർക്കും വികാരി ഫാ.മാത്യൂസ്‌ വലിയപുത്തെൻപുരയിൽ സമ്മാനദാനം നിർവഹിക്കുന്നു

April 29 നു നടക്കുന്ന വാഴ്‌വ്‌ ന്റെ എൻട്രി പാസ് കൈക്കാരൻ Shibu വിന് നല്‌കി കൊണ്ട് വികാരി Fr.Mathew ഉദ്‌ഘാടനം നിവഹിക്കുന്നു

April 29 നു നടക്കുന്ന വാഴ്‌വ്‌ ന്റെ എൻട്രി പാസ് കൈക്കാരൻ Shibu വിന് നല്‌കി കൊണ്ട് വികാരി Fr.Mathew ഉദ്‌ഘാടനം നിവഹിക്കുന്നു

St.Theresa knanaya catholic proposed mission വാർഷിക ധ്യാനം സമാപിച്ചു.

ധ്യാനത്തിന് പ്രശസ്‌ത ധ്യാന ഗുരു Fr.Saji Pinarkayil വചന സന്ദേശം നൽകി. കുട്ടികൾക്കായി Mili Rengi യുടെ നേതൃത്വത്തിൽ knafire Youth ടീം വചനം പങ്കുവെച്ചു. വിശുദ്ധ കുർബാനയോടും , ദിവ്യ കാരുണ്യ ആരാധനയോടും കൂടി ധ്യാനം സമാപിച്ചു. വികാരി Fr.Mathews valiyaputhenpura മറ്റു കമ്മറ്റി അംഗങ്ങൾ എന്നിവർ ധ്യാനത്തിന് നേതൃത്വം നൽകി