വാഴ്‌വ് 2025 ഫിനാൻസ് ആൻഡ് രജിസ്ട്രേഷൻ കമ്മറ്റി

“വീട് ഒരുക്കാം വാഴ് വ്”. ഊർജ്ജസ്വലതയോടെ ഫിനാൻസ് ആൻഡ് രജിസ്ട്രേഷൻ കമ്മറ്റി . 2025 ലെ വാഴ് വ് ൻ്റെ ഏറ്റവും വലിയ പ്രത്യേകതകളിൽ ഒന്നാണ് കേരളത്തിൽ നിർധനരായ മിനിമം ഒരു ക്നാനായ കത്തോലിക്ക കുടുംബത്തിന് ഭവനം നിർമ്മിച്ച നൽകുക എന്നുള്ളത്. ഈയൊരു ലക്ഷ്യം മുന്നിൽ കണ്ടുകൊണ്ടാണ് കഴിഞ്ഞവർഷം ഫാമിലി ടിക്കറ്റിന് 15 പൗണ്ട് എന്നതിന് പകരം ഒരു ഫാമിലിക്ക് 20 പൗണ്ട് നിശ്ചയിച്ചത്. വാഴ് വ്” ൽ പങ്കെടുക്കുക വഴി ഭവന നിർമ്മാണത്തിനും ഓരോ കുടുംബവും നേർസാക്ഷി ആകുകയാണ്. മുൻ വർഷങ്ങളിലെ പോലെ കൃത്യവും വ്യക്തവുമായ പദ്ധതികളാണ് രജിസ്ട്രേഷൻ കമ്മിറ്റി രൂപപ്പെടുത്തിയിരിക്കുന്നത്. ഫാ. സജി തോട്ടത്തിൽ, ഫാ. ജോഷി കൂട്ടുങ്കൽ, എബി നെടുവാമ്പുഴ, റെമി പഴയിടം എന്നിവർ കൺവീനർമാർ ആയിട്ടുള്ള ഫിനാൻസ് ആൻഡ് രജിസ്ട്രേഷൻ കമ്മറ്റിയിൽ അനു പുല്ലു കാട്ട്, ബെന്നി മാവേലിൽ, കിഷോർ ചെല മല, മാത്യു വില്ലൂത്തറ , സജി മന്നാട്ടുപറമ്പിൽ, ബെന്നി കോണത്തുവാലയിൽ, സജീവ് ചെമ്പകശ്ശേരിയിൽ, ജോസ് മുളവേലി പുറത്ത്, സിറിയക് മാന്താറ്റിൽ, ബെന്നി വേങ്ങേചേരിൽ , പ്രിൻസ് ഏലംതാനത്ത്, ഷിൻസൺ കവുങ്ങും പാറയിൽ, ജോസ് മുഖച്ചിറ, സജിൻ കൈതവേലിൽ, ബേബി ജോസഫ്, ഡെന്നി സ്റ്റീഫൻ എന്നിവർ പ്രവർത്തിക്കുന്നു. ഫാമിലി ടിക്കറ്റ് കൂടാതെ ഗോൾഡൻ, സിൽവർ ടിക്കറ്റുകളും ലഭ്യമാണ്.

 വാഴ്‌വ് 2025 പ്രോഗ്രാം കമ്മറ്റി

യുകെ ക്നാനായ കത്തോലിക്കാ മിഷൻ നടത്തുന്ന വാർഷിക കുടുംബ സംഗമം ‘വാഴ്‌വ് 2025’ ൻ്റെ വിജയത്തിന് വേണ്ടി വിവിധ കമ്മറ്റികളുടെ സമഗ്രമായ ഏകോപനമാണ് നടക്കുന്നത്. വാഴ്‌വ് 2025 ൻ്റെ കുടുംബ സംഗമദിനം ആസ്വാദ്യകരമാക്കുന്നതിന് വേണ്ട കലാപരിപാടികളുടേയും പൊതുസമ്മേളനത്തിൻ്റേയും ഒക്കെ കൃമീകരണങ്ങൾ നടത്തുന്നത് പ്രോഗ്രാം കമ്മറ്റിയാണ്. പ്രതിഭാധനരായ പന്ത്രണ്ടുപേരടങ്ങുന്ന കമ്മറ്റിയാണ് ഇത്തവണ പ്രോഗ്രാമുകൾക്ക് നേതൃത്വം നൽകുന്നത്. മുൻ വർഷങ്ങളിൽ വാഴ്‌വിൻ്റെ വിജയകരമായ നടത്തിപ്പിന് ചുക്കാൻ പിടിച്ച നേതൃ നിരയാണ് പുതിയ അംഗങ്ങളെ കൂടി ഉൾപ്പെടുത്തി ഈ വർഷവും വാഴ്‌വ് യുകെയിലെ ക്നാനായക്കാർക്ക് അവിസ്മരണീയമായ ആഘോഷമാക്കി മാറ്റുന്നതിൻ്റെ അണിയറയിൽ പ്രവർത്തിക്കുന്നത്. വളരെ പ്രേക്ഷക ശ്രദ്ധ പിടിച്ചു പറ്റിയ യുകെയിലെ പ്രഗത്ഭരായ ഗായകർ അണിനിരക്കുന്ന സംഗീത സദസ്സ് ‘ക്നാനായ സിംഫണിമേളം’ ഇക്കുറി ഏറെ പുതുമകളോടെ അരങ്ങേറും, പതിനഞ്ചു ക്നാനായ മിഷനുകളിലെ കലാപ്രതിഭകൾ പങ്കെടുക്കുന്ന കലാസന്ധ്യ വാഴ്‌വിൻ്റെ അരങ്ങ് ഉണർത്തും. സമുദായ ആചാരങ്ങളുടെയും, ക്രൈസ്തവ വിശ്വാസത്തിൻ്റെയും അനുഷ്ഠാനങ്ങളുടേയും, സാമൂഹിക മൂല്യങ്ങളുടെയും അന്തസ്സത്ത ഉൾക്കൊള്ളുന്ന കലാരൂപങ്ങൾ വേദിയിലെത്തിക്കുന്നതിനുവേണ്ടിയുള്ള ശ്രമങ്ങളാണ് കലാ- സാംസ്കാരിക രംഗങ്ങളിൽ തങ്ങളുടെ മികവുതെളിയിച്ചിട്ടള്ള പ്രോഗ്രാം കമ്മറ്റി അംഗങ്ങൾ നടത്തി വരുന്നത് . ഫാ. ഷഞ്ജു കൊച്ചുപറമ്പിൽ, ഫാ. ജിൻസ് കണ്ടക്കാട്ട്, ഷാജി ചരമേൽ, ഷെറി ബേബി, ബിന്ദു ജോം മാക്കീൽ, സോജൻ തോമസ്, ലിറ്റി ജിജോ, അനിൽ മംഗലത്ത്, ബീനാ ബെന്നി ഓണശ്ശേരിൽ, സലീനാ സജീവ്, ജോമോൾ സന്തോഷ്, ജെൻസി ജിനീഷ് എന്നിവരടങ്ങുന്ന കമ്മറ്റിയാണ് ഈ വർഷം വാഴ്‌വിൻ്റെ പ്രോഗ്രാമിന് നേതൃത്വം നൽകുന്നത്. ഫാ. സുനി പടിഞ്ഞാറേക്കര ചെയർമാനും, അഭിലാഷ് മൈലപ്പറമ്പിൽ ജനറൽ കൺവീനറും,ഫാ. സജി തോട്ടത്തിൽ, ഫാ. ജോഷി കൂട്ടുങ്കൽ എന്നിവർ കൺവീനർമാരായും സജി രാമച്ചനാട് ജോയിൻ്റ് കൺവീനറുമായുള്ള കോർ കമ്മറ്റിയാണ് വാഴ്‌വിന് നേതൃത്വം കൊടുക്കുന്നത്.

ബ്രിസ്റ്റോൾ സെന്റ്. ജോർജ് ക്നാനായ കാത്തലിക് പ്രൊപോസ്ഡ് മിഷനിൽ ‘വാഴ്‌വ് – 2025’ ന്റെ എൻട്രി പാസ്സ് വിതരണോൽഘാടനം നടത്തി.

ബ്രിസ്റ്റോൾ: 2025 October 4 ന് ബർമിങ്ഹാമിലെ ബഥേൽ കൺവെൻഷൻ സെന്ററിൽ വെച്ച് നടത്തപ്പെടുന്ന യുകെ ക്നാനായ കാത്തലിക് മിഷൻ കുടുംബ സംഗമം ‘വാഴ്‌വ് 2025’-ന്റെ ആദ്യ എൻട്രി പാസ്സ്, മിഷൻ കോർഡിനേറ്റർ ഫാ. അജൂബ് തോട്ടനാനിയിൽ നിരവധി കുടുംബങ്ങൾക്ക് നൽകി ഉദ്ഘാടനം നിർവഹിച്ചു. കൈക്കാരൻമാർ, പാരീഷ് കൗൺസിൽ, അംഗങ്ങൾ എന്നിവർ പരിപാടികൾക്ക് നേതൃത്വം നൽകി.

ത്രീ കൗണ്ടി മിഷനിൽ ഫാ ഷാജി മുകളേൽ അച്ചന് സ്നേഹാദരങ്ങൾ നൽകി .

കേരളത്തിൽ നിന്ന് ഹൃസ്വ സന്ദർശനത്തിനായി യു കെ യിൽ വന്ന ഫാ ഷാജി മുകളേൽ അച്ചന് ത്രീ കൗണ്ടി ഹോളി കിങ്‌സ് പ്രോപോസ്ഡ് മിഷനിൽ സ്നേഹാദരങ്ങൾ നൽകി സ്വീകരിച്ചു .

മണക്കാട് , വടക്കുംമുറി ഇടവകയിൽ സേവനം ചെയ്യുന്ന അച്ഛൻ ഒരു മാസത്തെ യൂ കെ സന്ദർശനത്തിനായാണ് എത്തിയത്‌ . ഓഗസ്റ്റ് 24 ഞായറാഴ്ച്ച ഉച്ച കഴിഞ് മിഷൻ അംഗങ്ങൾക്കായ് ദിവ്യ ബലി അർപ്പിച്ചു വചന സന്ദേശം നൽകി .

ധനവാന്റെയും ലാസറിന്റെയും ഉപമയിലൂടെ സഹാനുഭൂതിയുടെയും പരസ്നേഹത്തിന്റെയും ഉദാത്ത സന്ദേശം നൽകുകയും , ഓരോ വ്യക്തികൾക്കും വ്യത്യസ്തങ്ങളായ കഴിവുകൾ ആണ് നല്കപ്പെട്ടിരിക്കുന്നതു എന്നും ആ കഴിവുകൾ മറ്റുള്ളവരുടെ നന്മ്മക്കായ് വിനിയോഗിക്കുന്നതിലൂടെയാണ് ക്രിസ്തീയത ധന്യമാകുന്നത് എന്ന് വചന സന്ദേശത്തിൽ അച്ചൻ ഓർമ്മിപ്പിച്ചു .

ദിവ്യ ബലിക്കുശേഷം മിഷൻ ഡയറക്ടർ ഫാ ഷഞ്ചു കൊച്ചുപറമ്പിലിന്റെ സാന്നിധ്യത്തിൽ കൈക്കാരൻ ജോസ് വാടകരപറമ്പിൽ മിഷൻ അംഗങ്ങളുടെ സ്നേഹോപഹാരം നൽകി .

ഐക്യത്തിൽ ശക്തരാകാം പ്രത്യാശയിൽ ഒത്തുചേരാം ESPERANZA 2025

ഐക്യത്തിൽ ശക്തരാകാം , പ്രത്യാശയിൽ ഒത്തുചേരാം

ത്രീ കൗണ്ടി ഹോളി കിങ്‌സ് മിഷനും ക്രൈസ്റ്റ് ദി കിംഗ് മിഷനും സംയുക്തമായി സംഘടിപ്പിക്കുന്ന ഏകദിന കുടുംബ കൂട്ടായ്മ

E S P E R A N Z A

പരിശുദ്ധ മാതാവിന്റെ ജനന തിരുനാളിനു ‌ മുന്നോടിയായ് സെപ്‌റ്റംബർ 7 ഞായറാഴ്ച്ച രാവിലെ മുതൽ രാത്രി വരെ നീളുന്ന ഏകദിന ശിൽപ്പശാല

പരിശുദ്ധ മാതാവിന്റെ ജനന തിരുനാളിനു ‌ മുന്നോടിയായ് സെപ്‌റ്റംബർ 7 ഞായറാഴ്ച്ച രാവിലെ മുതൽ രാത്രി വരെ നീളുന്ന ഏകദിന ശിൽപ്പശാല. വിശുദ്ധ കുർബാന, ക്നാനായ ആചാരങ്ങളും പാരമ്പര്യങ്ങളും ഉൾക്കൊള്ളുന്ന സമുദായ ബോധവൽക്കരണ ക്ലാസുകൾ, മാതാ പിതാക്കന്മാർക്കുള്ള ക്ലാസുകൾ, കുട്ടികൾക്കും യുവജനങ്ങൾക്കുമായി പ്രത്യേകം പരിപാടികൾ, വിവിധങ്ങളായ ഗെയിമുകൾ എന്നിവ ഉൾക്കൊള്ളിച്ചുള്ള ഒരു ഏകദിന സ്നേഹ കൂട്ടായ്മയിലേക്ക് ഏവരെയും സ്നേഹ പൂർവ്വം ക്ഷണിക്കുന്നു

Venue– Our Lady of Lourdes Church

Kingswinford, Dudley, DY6 9JG

വീട് ഒരുക്കാം വാഴ്‌വിലൂടെ… വിവിധ കമ്മറ്റികൾ സുസജ്ജം

ഈ വർഷം ഒക്ടോബർ നാലിന് ക്നാനായ കാത്തലിക് മിഷൻസ് യുകെയുടെ നേതൃത്വത്തിൽ നടത്തപ്പെടുന്ന വാഴ്‌വ് 25 ന് നിരവധി പ്രത്യേകതകൾ ഉണ്ട്.

ഏറ്റവും പരമപ്രധാനമായ പ്രത്യേകത കേരളത്തിൽ നിർദ്ധരായ ഒരു ക്നാനായ കത്തോലിക്ക കുടുംബത്തിന് ഭവനം നിർമ്മിച്ചു നൽകുന്നു എന്നതാണ്.

ആഘോഷമായ പൊന്തിഫിക്കൽ കുർബാനയും വിവിധ മിഷനുകളിലെ നയന മനോഹരമായ കലാവിരുന്നും കുട്ടികളുടെയും യുവജനങ്ങളുടെയും ഊർജ്ജസ്വലമായ ചടുല ചുവടുകളോട് കൂടിയ ആകർഷണീയമായ നൃത്ത സംവിധാനങ്ങളും വാഴ്‌വില്‍

പങ്കെടുക്കുന്നവരുടെ മനം കുളിർപ്പിക്കും.

യുകെയിലെ 15 ക്നാനായ മിഷനുകളിലെയും ഇടവകാംഗങ്ങൾ ഒന്നുചേർന്ന് സ്നേഹത്തിന്റെയും സാഹോദര്യത്തിന്റെയും സൗഹൃദത്തിന്റെയും നന്മകൾ വിതറുമ്പോൾ വാഴ്‌വ് 2025 ൻ്റെ പ്രവർത്തനങ്ങൾക്ക് വിവിധ കമ്മറ്റികൾ സുസജ്ജമായി പ്രവർത്തിക്കുന്നു.

എല്ലാ കമ്മിറ്റികളെയും ഏകോപിപ്പിക്കുന്ന കോർ കമ്മിറ്റിയെയാണ് ഈ ലക്കത്തിൽ തെക്കൻ ടൈംസ് പരിചയപ്പെടുത്തുന്നത്.

ക്നാനായ കാത്തലിക് മിഷൻസ് യുകെ കോഡിനേറ്റർ ഫാ. സുനി പടിഞ്ഞാറേക്കര ചെയർമാൻ ആയിട്ടുള്ള കോർ കമ്മറ്റിയിൽ അഭിലാഷ് മൈലപറമ്പിൽ ജനറൽ കൺവീനറായി പ്രവർത്തിക്കുന്നു. ഫാ. സജി തോട്ടം, ഫാ. ജോഷി കൂട്ടുങ്കൽ, എന്നിവർ കൺവീനർമാരായും സജി രാമചനാട്ട് ജോയിൻറ് കൺവീനറായും കോർ കമ്മിറ്റിയിൽ സജീവമായി പ്രവർത്തിക്കുന്നു.

എല്ലാ കമ്മിറ്റികളെയും ഏകവും ഏകോപിപ്പിച്ച് വാഴ്‌വിന്റെ സുഗമമായ പ്രവർത്തനങ്ങൾക്ക് നേതൃത്വം നൽകുന്ന കോർ കമ്മറ്റിയിലെ അംഗങ്ങൾ ദൈവത്തില്‍ ആശ്രയിച്ച് വാഴ്‌വിന്റെ വിജയത്തിനായി പ്രവർത്തിക്കുന്നു.

കൂദാശ നിഷേധ വ്യാജ പ്രചാരണം; സത്യാവസ്ഥ തിരിച്ചറിയുക: മീഡിയ കമ്മീഷൻ.

വിവാഹ കൂദാശ നിഷേധം എന്ന വ്യാജ പ്രചരണത്തിൽ ക്നാനായ കത്തോലിക്ക വിശ്വാസികൾ നിജസ്ഥിതി മനസ്സിലാക്കണമെന്നും സോഷ്യൽ മീഡിയ വഴി പ്രചരിക്കുന്ന വ്യാജ പ്രചരണത്തിൽ വിശ്വസിക്കരുതെന്നും ക്നാനായ കത്തോലിക്ക മിഷൻസ് യുകെ മീഡിയ കമ്മീഷൻ പ്രസ്താവന വഴി അറിയിച്ചു.

കത്തോലിക്കാ സഭ ദൈവിക നിയമത്തിന്റെയും കാനൻ നിയമത്തിന്റെയും ഓരോ രാജ്യത്തിൻറെയും നിയമങ്ങളെ അടിസ്ഥാനപ്പെടുത്തിയാണ് പ്രവർത്തിക്കുന്നത്. യു കെ ജനറൽ ഡാറ്റ പ്രൊട്ടക്ഷൻ റെഗുലേഷൻ ആൻഡ് ഡേറ്റ പ്രൊട്ടക്ഷൻ ആക്ട് 2018 പ്രകാരമാണ് യുകെയിലെ ഓരോ കത്തോലിക്ക രൂപതയും പ്രവർത്തിക്കുന്നത്. രാജ്യത്തിൻറെ നിയമം അനുസരിച്ച് യുകെയിൽ പ്രവർത്തിക്കുന്ന ഓരോ ഇടവകകൾക്കും അതാത് രൂപത തയ്യാറാക്കിയ കൺസന്റ് രജിസ്ട്രേഷൻ ഫോം പൂരിപ്പിച്ച് നൽകേണ്ടതുണ്ട്. ഇങ്ങനെ ഫോം പൂരിപ്പിച്ച് നൽകിയവരുടെ കൂദാശ സ്വീകരണങ്ങൾക്ക് ഒരു നിഷേധവും നടത്തിയിട്ടില്ല. യുകെയിൽ ക്നാനായ കാത്തലിക് മിഷൻസ് ഇടവകകളിൽ ഫോം പൂരിപ്പിച്ചു നൽകുന്നവർക്ക് തങ്ങളുടെ മാതൃ ഇടവകാംഗത്വം നഷ്ടപ്പെടുകയില്ല എന്ന് കോട്ടയം അതിരൂപത മെത്രാപ്പോലീത്ത മാർ മാത്യു മൂലക്കാട്ട് 2023 ജൂലൈ 20 പ്രസിദ്ധീകരിച്ച സർക്കുലർ നമ്പർ 302 കൃത്യമായി പ്രതിപാദിക്കുന്നുണ്ട്.

പൗരസ്ത്യ സഭയിലെ അംഗങ്ങൾ അവരുടെ സ്വയാധികാര സഭയിൽ നിന്നും കൂദാശകൾ സ്വീകരിക്കണമെന്ന് പൗരസ്ത്യ സഭയുടെ കാര്യാലയത്തിൽ നിന്ന് യുകെയിലെ ലാറ്റിൻ രൂപതകളിലേക്ക് 2024 നവംബർ 22ന് നിർദ്ദേശം നൽകിയിട്ടുണ്ട്. സീറോ മലബാർ രൂപത യുകെയിൽ വരുന്നതിനുമുമ്പ് ആത്മീയ ആവശ്യങ്ങൾക്ക് ലാറ്റിൻ പള്ളികളിൽ നിന്നും സേവനം ലഭ്യമാകുമായിരുന്നു. നമ്മുടെ പൗരസ്ത്യ സഭ വ്യക്തിത്വം മറച്ചുവെച്ചുകൊണ്ട് കൂദാശകൾ ലാറ്റിൻ ദേവാലയങ്ങളിൽ നിന്നും സ്വീകരിക്കുന്നത് പൗരസ്ത്യ സഭയുടെ നിയമങ്ങൾക്ക് വിരുദ്ധമാണ്.

വളരെ സജീവമായി ക്നാനായ കാത്തലിക് മിഷൻസ് യുകെയുടെ പ്രവർത്തനങ്ങൾ നടത്തപ്പെടുമ്പോൾ അതിനെതിരെ ചില തല്പരകക്ഷികൾ നടത്തുന്ന വ്യാജ പ്രചാരണത്തിൽ ആരും വിശ്വസിക്കരുത്. കൂടാതെ ഏതെങ്കിലും കാര്യത്തിൽ സംശയമുണ്ടെങ്കിൽ അതാത് മിഷനുകളിലെ വൈദികരുമായി ബന്ധപ്പെടുകയാണെങ്കിൽ നിജസ്ഥിതി ബോധ്യമാകും. കത്തോലിക്കാ സഭക്കെതിരെ പ്രവർത്തിക്കുന്ന നിഗൂഢ ശക്തികൾക്കെതിരെ നിതാന്ത ജാഗ്രത വിശ്വാസികൾക്ക് ഉണ്ടാകണം. വിശ്വാസ ജീവിതത്തെയും വിശ്വാസ ജീവിതത്തിൽ അധിഷ്ഠിതമായ നമ്മുടെ ക്നാനായ പാരമ്പര്യങ്ങളെയും തച്ചുടച്ച് ഈ തലമുറയെയും വരും തലമുറയെയും വിശ്വാസ ജീവിതത്തിൽ നിന്നും, ക്നാനായ പാരമ്പര്യ ജീവിത രീതികളിൽ നിന്നും അകറ്റുവാനുള്ള ശ്രമങ്ങളെ വിവേചിച്ചറിഞ്ഞ് ഓരോ ക്നാനായ കത്തോലിക്ക വിശ്വാസികളും പ്രവർത്തിക്കണം.

യുകെയിലും നാട്ടിലുമായി ഏകദേശം 250ലധികം ക്നാനായ കത്തോലിക്ക യുവതി യുവാക്കളാണ് ഈ വർഷം വിവാഹിതരാകുന്നത്. ഇവരെല്ലാം രാജ്യത്തിന്റെയും സഭയുടെയും നിയമങ്ങൾ അനുസരിച്ച് വേണ്ടുന്നതായ ഫോമുകൾ പൂരിപ്പിച്ച് നൽകി ദൈവീക നിയമത്തിന്റെയും രാജ്യ നിയമത്തിന്റെയും അടിസ്ഥാനത്തിൽ കൂദാശകൾ സ്വീകരിക്കുന്നു.

കൂദാശ സ്വീകരണ സംബന്ധമായ എന്തെങ്കിലും സംശയങ്ങൾ ഉണ്ടെങ്കിൽ അതാത് മിഷൻ വികാരിമാരുമായി ബന്ധപ്പെടേണ്ടതാണ്.