സെന്റ് പോൾ സൗത്താംപ്ടൺ മിഷൻ പൂൾ മാസ്സ് സെന്ററിൽ വുമൺസ് ഡേ ആഘോഷിച്ചു. ഫാദർ അജൂബ് മിഷൻ അംഗങ്ങളോടൊപ്പം മാർച്ച് 8-നു പൂൾ സെന്റ് ജോസഫ് ദേവാലയത്തിൽ അർപ്പിച്ച ദിവ്യബലിക്ക് ശേഷം അന്താരാഷ്ട്ര വനിതാ ദിനം ആഘോഷിച്ചു. ആധുനിക ലോകക്രമത്തിൽ സ്ത്രീകളുടെ പ്രാധാന്യത്തെയും സംഭാവനകളെയും കുറിച്ച് അജൂബ് അച്ചൻ പ്രത്യേകം ഓർമിപ്പിച്ചു. നമ്മുടെ മിഷനിലെ കുടുംബങ്ങളുടെ കെട്ടുറപ്പിനായി സ്ത്രീകൾ നൽകുന്ന സംഭാവനകളെയും ഏറ്റെടുത്തിരിക്കുന്ന അർപ്പണമനോഭാവത്തെയും അച്ചൻ പ്രശംസിച്ചു. ലീജിയൻ ഓഫ് മേരി എന്ന ആത്മീയ കൂട്ടായ്മയിൽ ചേർന്ന് നിന്ന് കൊണ്ട് പ്രാർത്ഥനയിൽ ആഴപ്പെടുവാൻ ആഹ്വാനം ചെയ്തു കൊണ്ട് എല്ലാ സ്ത്രീ ജനങ്ങളെയും പൂവ് നൽകി ആദരിച്ചു.
ലണ്ടണ്: സെന്റ് ജോസഫ്സ് ക്നാനായ കാത്തലിക് മിഷനില് ഈ വര്ഷത്തെ നോമ്പുകാല വാര്ഷിക ധ്യാനം നടത്തപ്പെട്ടു. യു.കെയിലെ കോ-ഓര്ഡിനേറ്റര് ഫോര് ക്നാനായ കാത്തലിക് ഫെയ്ത്ത്ഫുള് ഫാ. സുനി പടിഞ്ഞാറേക്കര ധ്യാന ശുശ്രൂഷകള്ക്ക് നേതൃത്വം നല്കി. വി. കുര്ബാനയെക്കുറിച്ചും കുമ്പസാരത്തെക്കുറിച്ചുമുള്ള ധ്യാന ചിന്തകളെ തുടര്ന്ന് ആരാധനയും വി. കുര്ബാനയും നടത്തപ്പെട്ടു. കുട്ടികള്ക്കായി പ്രത്യേക സെക്ഷന് ക്രമീകരിച്ചിരുന്നു. കുട്ടികളുടെ ധ്യാന ശുശ്രൂഷകള്ക്ക് മിഷനില് തന്നെയുള്ള അലന് കുറ്റിയാംകോണത്ത്, വിനീത് എന്നിവര് നേതൃത്വം നല്കി. കൈക്കാരന്മാരും പാരീഷ് കൗണ്സില് അംഗങ്ങളും മതബോധന അദ്ധ്യാപകരും ചേര്ന്ന് ധ്യാനത്തിനാവശ്യമായ ക്രമീകരണങ്ങള്ക്ക് നേതൃത്വം നല്കി.
ലണ്ടണ്: 2026 ലെ മാതൃദിനം ആഘോഷമാക്കി സെന്റ് ജോസഫ്സ് ക്നാനായ കാത്തലിക് മിഷന്. 15-ാം തീയതി ഞായറാഴ്ച വി. കുര്ബാനയോടനുബന്ധിച്ച് നടന്ന ആഘോഷങ്ങള് ഏറെ ഹൃദ്യമായി. വി. കുര്ബാനയില് അമ്മമാര് ചെയ്തുവരുന്ന ത്യാഗപൂര്ണ്ണമായ പ്രവര്ത്തനങ്ങളെ വികാരി ഫാ. മാത്യൂസ് വലിയപുത്തന്പുരയില് പ്രത്യേകം അനുസ്മരിക്കുകയും പ്രാര്ത്ഥിക്കുകയും ചെയ്തു. വി. കുര്ബാനയെ തുടര്ന്ന് എല്ലാ അമ്മമാര്ക്കും സമ്മാനങ്ങള് നല്കി ആദരിച്ചു. കൈക്കാരന്മാരായ രാജു വില്ലൂത്തറ, ഷാജി മഠത്തിപ്പറമ്പില്, ഷിനോ എന്നിവര് നേതൃത്വം നല്കി.
St. John Paul II Proposed knanaya mission-ൽ നോമ്പ് കാല വാർഷിക ധ്യാനം Divine retreat centre, Ramsagte-ൽ വച്ചു 1/3/26 നടത്തപെട്ടു. ഫാ ജോസഫ് എടാട്ട്, ഫാ പോൾ പള്ളിച്ചാംകുടിയിൽ, ഫാ പ്രിൻസ് പനച്ചിത്തരം എന്നിവർ ധ്യാനം നയിച്ചു.
ഫാ അജൂബ് തോട്ടനാനിയിൽ ധ്യാനത്തിന് വേണ്ട നേതൃത്വം നൽകി. ധ്യാനത്തോടാനുബന്ധിച്ചു കുമ്പസാരത്തിനുള്ള അവസരവും ഉണ്ടായിരുന്നു.
ത്രീ കൗണ്ടി ഹോളി കിങ്സ് ക്നാനായ മിഷനിൽ അൻപതു നോമ്പിനോടനുബന്ധിച്ചു ഏകദിന ധ്യാനം നടത്തി , മാർച്ച് 8 ഞായറാഴ്ച്ച രാവിലെ 11.30 മുതൽ വൈകിട്ട് 7.30 വരെയായിരുന്നു ധ്യാനം. കോട്ടയം അതിരൂപത അംഗവും ബർമിങ്ഹാം ഓസ്കോട്ട് സെമിനാരിയിൽ സേവനം ചെയ്യുന്ന ഫാ ജസ്റ്റിൻ കാരക്കാട്ടാണ് ധ്യാനത്തിനു നേതൃത്വം നൽകിയത് .
കുട്ടികളുടെ ധ്യാനം- ബ്ര. ജെയ്സൺ പഴയമ്പള്ളി, റിൻസി റെജി എന്നിവർ ചേർന്ന് നയിച്ചു. ധ്യാനത്തിന് ശേഷം ഭക്ഷണവും കഴിച്ചു ആത്മീയ ഉണർവിൽ ഏവരും വീടുകളിലേക്ക് മടങ്ങി.
2026 മാർച്ച് 15-ന് സ്കോട്ലൻഡിലെ ഹോളി ഫാമിലി ക്നാനായ കാത്തലിക്ക് മിഷനിൽ മാതൃദിനവും വിശുദ്ധ യൗസേപ്പിതാവിന്റെ തിരുനാളും ഭക്തിപൂർവ്വം ആഘോഷിച്ചു. സ്നേഹവും നന്ദിയും നിറഞ്ഞ ഈ ദിനത്തിൽ അമ്മമാരുടെ ത്യാഗവും, കരുതലും പ്രത്യേകം അനുസ്മരിച്ചു.
വിശുദ്ധ യൗസേപ്പിതാവിന്റെ ജീവിതം മാതൃകയാക്കി കുടുംബങ്ങളിൽ വിശ്വാസത്തോടും ഉത്തരവാദിത്വത്തോടും കൂടി ജീവിക്കണമെന്ന് സന്ദേശം ജോസ് അച്ഛൻ നൽകി. ചടങ്ങിന്റെ ഭാഗമായി അമ്മമാർക്കും “ജോസഫ്” നാമധാരികൾക്കും പൂക്കൾ നൽകി ആദരിച്ചു. ആഘോഷം വിശ്വാസത്തിന്റെയും കുടുംബ ഐക്യത്തിന്റെയും മനോഹര സാക്ഷ്യമായി മാറി.
Scotland: സി.എം.എൽ മിഷൻ സൺഡേയുടെ നേതൃത്വത്തിൽ 2026 ജനുവരി 21-ന് Mariasadan Charitable Trust-ന് 50,000 രൂപ ധനസഹായം നൽകി. വിശ്വാസവും കാരുണ്യവും കൈകോർക്കുന്ന ഈ സേവന പ്രവർത്തനം അംഗങ്ങളുടെ സഹകരണം, പ്രാർത്ഥന, ഉദാരത എന്നിവയുടെ ഫലമായിരുന്നു.“കൊടുക്കുവിൻ, നിങ്ങൾക്കും കൊടുക്കപ്പെടും; നിങ്ങൾ അളക്കുന്ന അളവിൽ തന്നേ നിങ്ങൾക്കും അളക്കപ്പെടും” (ലൂക്കാ 6:38) എന്ന ബൈബിൾ വചനത്തിന്റെ വെളിച്ചത്തിൽ നടത്തിയ ഈ ദാനപ്രവർത്തനം സമൂഹത്തിൽ ആവശ്യമുള്ളവർക്കുള്ള പിന്തുണയായി മാറി.
ഈ പ്രവർത്തനത്തിന് പിന്തുണ നൽകിയ സി.എം.എൽ വൈസ് ഡയറക്ടർമാർക്കും പ്രതിനിധികൾക്കും അംഗങ്ങൾക്കും നന്ദി. സഹായം കൈമാറുന്ന ചടങ്ങിൽ മിഷൻ ഡയറക്ടർ ജോസ് അച്ഛൻ, വൈസ് ഡയറക്ടർ ജോസ് സൈമൺ, കൈക്കാരൻ സിബി ചേട്ടൻ, സാനി ചേച്ചി എന്നിവർ പങ്കെടുത്തു. ഇത്തരം സേവന പ്രവർത്തനങ്ങൾ തുടർന്നും സമൂഹത്തിന്റെ നന്മയ്ക്കായി നടത്തി കാരുണ്യത്തിന്റെ മുഖമാകാം
ഗീവർഗീസ് മാർ അപ്രേം പിതാവിന്റെ ഈസ്റ്റർ സന്ദേശം, പോപ്പ് ലിയോ പതിനാലാമന്റെ ഏപ്രിൽ മാസ പ്രാർത്ഥനാ നിയോഗം, ക്നാനായ മിഷനുകളിലെ വിശുദ്ധ വാര തിരുകർമ്മങ്ങളുടെ ഫോട്ടോ ഫീച്ചർ, ബർമിംഗ്ഹാം ക്നാനായ മിഷൻ മത അധ്യാപകരെ പരിചയപ്പെടുത്തുന്നു., വൈവാഹിക പംക്തി, ലൈറ്റ് ഓഫ് ലവ് പ്രയാണം മെയ് 16ന് ലിവർപൂളിൽ, ലീജിയൻ ഓഫ് മേരി നാഷണൽ ഗാതറിംഗ്, സ്നേഹ ഭവന നിർമ്മാണ പുരോഗതി, ദീപു വടക്കേടത്ത് എഴുതിയ ധൂപക്കുറ്റി സവിശേഷതകൾ, തെക്കൻസ് ഫെസ്റ്റ് ഒരുക്കങ്ങൾ, കൂടാതെ നിരവധിയായ വാർത്തകളും ചിത്രങ്ങളും അടക്കം തെക്കൻ ടൈംസ് മുപ്പതാമത് ലക്കം.
ദൈവം അബ്രഹത്തിന് നൽകിയ വാഴ്വ്, അബ്രഹാം മുതൽ പൂർവപിതാക്കന്മാർക്ക് കിട്ടിയ വാഴ്വ്, പൂർവപിതാക്കൻമാർ തലമുറകളിലേയ്ക്ക് പകർന്നുകിട്ടിയ വാഴ്വ്, ലോകത്തെവിടെ ആയിരുന്നാലും ആ വാഴ്വിന്റെ വിശുദ്ധിയിൽ മുന്നേറുന്ന ക്നാനായ ജനത, ഈ അനുഗ്രഹീത ജനത തങ്ങളുടെ സഭാ പിതാക്കന്മാരോടും, വൈദീകാരോടും കൂടി ചേർന്ന് അൽമായർ, തങ്ങളുടെ ഒത്തുകൂടലിന് ഒരു മഹനീയ ദിനം, വാഴ്വ് 2026, സെപ്റ്റംബർ 26-ന് ബർമിങ്ഹാമിൽ. ക്നാനായ മിഷൻസ് യുകെയുടെ, വാഴ്വ് മഹാസംഗമത്തിന്റെ
ഒരുക്കങ്ങൾ അണിയറയിൽ തകൃതിയായി പുരോഗമിക്കുന്നു. ക്നാനായ മിഷൻസ് കോർഡിനേറ്റർ ഫാ. സുനി പടിഞ്ഞാറേക്കര ചെയർമാനും, സാജൻ ഈഴാറാത്ത് ജനറൽ കൺവീനറും, ഫാ. ജോസ് തെക്കിനിക്കുന്നേൽ, ഫാ. മാത്യൂസ് വലിയ പുത്തൻപുരയിൽ എന്നിവർ കൺവീനറുമാരായും, ജിൽസ് നന്ദികാട്ട് ജോ. കൺവീനറായും എക്സിക്യൂട്ടീവ്
കമ്മിറ്റിയും, പരിപാടികൾ ക്രോഡികരിക്കാൻ മറ്റ് 14 കമ്മറ്റികളുമാണ് രൂപീകരിച്ചിരിക്കുന്നത്. മുൻ വർഷങ്ങളിലെപ്പോലെ പൊന്തിഫീസിക്കൽ കുർബാന, പൊതുസമ്മേളനം, യൂത്ത് സെഷൻ, വിവിധ മിഷൻ അംഗങ്ങൾ അവതരിപ്പിക്കുന്ന കലാപരിപാടികൾ എല്ലാം കോർത്തിണക്കിയാണ് സംഗമം ഒരുക്കുന്നത്.
സംഗമത്തിന് മാറ്റ് കൂട്ടാൻ പിതാക്കന്മാർ, മറ്റ് വിശിഷ്ട അതിഥികൾ എന്നിവരെ പ്രതീക്ഷിക്കുന്നു.
അടിയുറച്ച കാത്തോലിക്ക വിശ്വാസത്തിൽ, പാരമ്പര്യങ്ങൾ മുറുകെ പിടിച്ച് ലോകത്തെവിടെ ആയാലും പരസ്പര സഹോദര്യത്തിൽ ഒന്നായി ജീവിക്കുന്ന യുകെ സമൂഹത്തിന്, കഴിഞ്ഞ വർഷം നടത്തിയ സമ്പൂർണ ബൈബിൾ പകർത്തി എഴുത്ത് അനുഗ്രഹദായകമായിരുന്നു. ഇത്തവണ വാഴ്വിന് ഒരുക്കമായി പുതിയ നിയമം പകർത്തി എഴുതാൻ ഒരുങ്ങുന്നു, അതുപോലെ ഇന്റർസെഷൻ കമ്മറ്റിയുടെ നേതൃത്വത്തിൽ പ്രാർഥിച്ചും ഒരുക്കങ്ങൾ തുടങ്ങി.
തങ്ങളുടെ ഈറ്റില്ലമായ കോട്ടയത്തുനിന്ന് തുടങ്ങുന്ന വാഴ്വ് 2026-ന്റെ ദീപശിഖ പ്രയാണത്തിന്റെ സ്വീകരണവും, യുകെ മിഷനുകളിലേയ്ക്ക് ദീപശിഖ പ്രയാണവും, വാഴ്വ് ടിക്കറ്റ് കിക്ക് ഓഫ് എന്നിവ മെയ് 16ന് ലിവർപൂളിൽ നടക്കും.
കഴിഞ്ഞ വർഷം ലക്ഷ്യം വെച്ചത് ഒരു കുടുംബത്തിന് വീട് വെച്ച് കൊടുക്കുക എന്നതായിരുന്നു. എന്നാൽ സുമനസുകളുടെ സഹകരണത്താൽ നാട്ടിൽ രണ്ട് ഭാവനങ്ങൾക്കുള്ള പ്രാരംബ പണികൾ തുടങ്ങി കഴിഞ്ഞു. ഇത്തവണ വാഴ്വിന്റെ സദുദേശം (motto) കഴിഞ്ഞ വർഷത്തെപ്പോലെ നിർധനരായ ഒരു കുടുംബത്തിന് ഭവനവും, നമ്മുടെ സമൂഹത്തിൽ രോഗികളായി സമ്പത്തിക ബുദ്ധിമുട്ട് അനുഭവിക്കുന്നവരെ സഹായിക്കുക എന്നതുമാണ്.
വാഴ്വ് 2026 അനുഗ്രഹീതവും, സന്തോഷകരവും, വിജയവും ആയി തീരാൻ യുകെയിലെ മുഴുവൻ ക്നാനായ കുടുംബങ്ങളുടെയും സഹകരണവും, സാന്നിധ്യവും വാഴ്വ് കമ്മിറ്റി പ്രതീക്ഷിക്കുന്നു. എല്ലാവരെയും സാദരം സ്വാഗതം ചെയ്യുന്നു.
“എന്നെ ശക്തനാക്കുന്നവനിലൂടെ എല്ലാം ചെയ്യാൻ എനിക്ക് സാധിക്കും “Philippi 4:18
2026 ഫെബ്രുവരി 19-22 വരെ Yanfield park ഇൽ സംഘടിപ്പിക്കപ്പെട്ട Rejoice 2026 പുതിയ പല അനുഭവങ്ങൾ കൊണ്ട് തീർത്തും ആകർഷണീയമായിരുന്നു. UK യിലെ വിവിധ മിഷനുകളിൽ നിന്നുമെത്തിയ 9 നും 17 നും ഇടയിൽ പ്രായമുള്ള 93 കുട്ടികൾ എല്ലാം മറന്ന് ഒന്നുചേർന്ന് ദൈവത്തെ ആരാധിച്ചു, അനുഭവങ്ങൾ പങ്കുവെച്ച് വീടുകളിലേക്ക് മടങ്ങി
“ നിങ്ങൾ എപ്പോഴും നമ്മുടെ കർത്താവിൽ സന്തോഷിക്കുവീൻ. ഞാൻ വീണ്ടും പറയുന്നു നിങ്ങൾ സന്തോഷിക്കുവീൻ “ Philipi 4:4
എന്ന വചനമായിരുന്നു ഇതിനായി ഞങ്ങൾ തിരഞ്ഞെടുത്തത്.ഈ അത്യന്താധുനിക കാലഘട്ടത്തിൽ വിവിധ തരം പ്രതിസന്ധികളിലൂടെയും പ്രലോഭനങ്ങളിലൂടെയും കടന്നു പോകുന്ന നമ്മുടെ കുഞ്ഞുങ്ങൾക്ക്, യഥാർത്ഥ സന്തോഷവും, ആത്മീയ അറിവും, ക്നാനായ സമുദായ കൂട്ടായ്മയുടെ ആവശ്യവും മനസ്സിലാക്കുവാൻ ഈ ഒത്തുചേരലിലൂടെ സാധിച്ചു. എല്ലാ ദിവസവുമുള്ള വി. കുർബാനയും, ദിവ്യ കാരുണ്യ ആരാധനയും, ഒരുക്കത്തോടെയുള്ള കുമ്പസാരവും,വി.കുർബാന സ്വീകരണവും, ഗ്രൂപ്പ് ഡിസ്കഷനും,വിവിധ തരം ഗ്രൂപ്പ് ഗെയിംസും,ആക്ഷൻ സോങ്ങും,സമുദായ ബോധവത്കരണവും, നട വിളിയും എല്ലാം കുട്ടികളുടെ അഭിരുചിക്ക് ഇണങ്ങുന്നതായിരുന്നു.
നമ്മുടെ കുട്ടികൾക്ക് ഒരുമിച്ച് കൂടുവാൻ ഇപ്രകാരമുള്ള വേദികൾ ഉണ്ടാക്കുവാൻ നാം പരിശ്രമിക്കണം. ചെറുപ്രായത്തിൽ തന്നെ അവർക്ക് ഉറച്ച വിശ്വാസ അടിത്തറ നൽകുവാനും അത് തുടർന്നു കൊണ്ട് പോകുവാനും നമുക്ക് സാധിക്കണം.
ആഘോഷങ്ങൾ മാത്രമല്ല നമ്മുടെ പാരമ്പര്യമെന്നും, ദൈവ വിശ്വാസം നമ്മുടെ പാരമ്പര്യത്തിന്റെ അടിസ്ഥാന ഘടകമാണെന്നുമുള്ള ബോധ്യം നമുക്ക് നമ്മുടെ കുഞ്ഞുങ്ങൾക്ക് വിവരിച്ചു കൊടുക്കാൻ സാധിക്കണം.
ഈ ഉദ്യമത്തിൽ കുട്ടികളെ പങ്കെടുപ്പിക്കുവാൻ താൽപര്യം കാണിച്ച മാതാ പിതാക്കൾ, ഇതിനായി എല്ലാ പിന്തുണയും നൽകിയ നമ്മുടെ വൈദികർ, കുട്ടികൾക്ക് ആവശ്യമായ കരുതൽ നൽകി അവരെ ആൽമിയ അനുഭവത്തിലും സമുദായ ബോധത്തിലും പടുത്തുയർത്തുവാൻ നയിച്ച Mili Rengi യുടെ നേതൃത്വത്തിലുള്ള Kna Fire Youth Minisry, ധ്യാനത്തിന്റെ വിജയത്തിനായും കുട്ടികൾക്ക് പരിശുദ്ധാൽമാവിന്റ് അഭിഷ്കേകത്തിനായും നിരന്തരം മധ്യസ്ഥ പ്രാർത്ഥനകൾ നടത്തിയ Dennis ചേട്ടന്റെ നേതൃത്വത്തിലുള്ള Kna Fire Team എന്നിവരെല്ലാം തീർച്ചയായും അഭിനന്ദനങ്ങൾ അർഹിക്കുന്നു.
ധ്യാനം കഴിഞ്ഞു പിരിയുമ്പോൾ വീണ്ടും ഒക്ടോബർ മാസം നടക്കുന്ന Daniel അച്ഛന്റെ ധ്യാനത്തിന് മാതാപിതകളോടൊപ്പം ഞങ്ങൾ വീണ്ടും ഇതേ സ്ഥലത്ത് വീണ്ടും വരും എന്ന് പലരും പറഞ്ഞു പോകുന്നത് കേട്ടപ്പോൾ മനസ്സ് നിറഞ്ഞു പോയി
വേറൊരു ഗ്രൂപ്പിനൊപ്പം ഇവിടെ എത്തിയ Grace എന്ന ഇംഗ്ലീഷ് കാരി സ്നേഹപൂർവം എന്നോട് “Your children are really disciplined.They are well behaved. You can be proud of them.എന്ന് അവരുടെ ഡൈനിംഗ് ഹാളിലുള്ള പെരുമാറ്റം കണ്ടപ്പോൾ പറഞ്ഞ കമന്റ് എന്നെ അതിയായി സന്തോഷിപ്പിച്ചപ്പോൾ ഞാൻ അവരുടെ മാതാപിതാക്കളെ ഓർത്തു ദൈവത്തിന് നന്ദി പറഞ്ഞു.
പ്രിയമുള്ളവരെ നമ്മുടെ കുട്ടികളെ ദൈവാശ്രയത്തിലും, വിശ്വാസത്തിലും നമുക്ക് വളർത്താം. ഇന്റർനെറ്റും മറ്റു ഭൗതിക ചിന്തകളും അവരുടെ ബുദ്ധിയെയും മനസ്സിനെയും അടിമകളാക്കുമ്പോൾ നമുക്ക് അവരെ നേടാനായി മുൻകൈ എടുക്കാം.അതിനായുള്ള അനുഗ്രഹത്തിനായി നമുക്ക് നിരന്തരം പ്രാർത്ഥിക്കാം
2025ൽ നടത്തപെട്ട വാഴ്വിന്റെ ‘വീടൊരുക്കം വാഴ്വിലൂടെ’ എന്ന പദ്ധതിയിലൂടെ നിർധനരായ രണ്ട് ക്നാനായ കാത്തോലിക്ക കുടുംബങ്ങൾക്ക് ഭവനം നൽകുവാൻ തീരുമാനിച്ചിരുന്നു! ഇതിൻപ്രകാരം നാട്ടിലെ വിവിധ ഇടവകകളിൽ നിന്നും വികാരിയച്ചന്മാരിലൂടെ ലഭിച്ച നിരവധി അപേക്ഷകളിൽ നിന്നും മലബാറിലും തിരുവിതാംകൂറിലുമായി ഓരോ കുടുംബങ്ങളെ കമ്മിറ്റി തെരഞ്ഞെടുക്കുകയായിരുന്നു. മലബാറിലെ തിരൂരും തിരുവിതാംകൂറിൽപെട്ട ഹൈറേഞ്ചിലെ NR സിറ്റിയിൽ നിന്നുമുള്ള അപേക്ഷയാണ് തെരഞ്ഞെടുത്തിരിക്കുന്നത്. സ്വന്തമായി ഭവനമില്ലാത്ത ഒരു കുടുംബത്തെയും, തീർത്തും വാസയോഗ്യമല്ലാത്ത വീടും കിടപ്പുരോഗിയുമുള്ള മറ്റൊരു കുടുംബത്തേയുമാണ് തിരഞ്ഞെടുത്തിരിക്കുന്നത്.
ഈ വീട് ലഭിക്കുന്നതിലൂടെ ഇവരുടെ ചിരകാല അഭിലാഷം പൂർത്തിയാവുകയാണ്. അതാത് വികാരിമാരുടെയും ഇടവകാംഗങ്ങളുടെയും നേതൃത്വത്തിൽ പണികൾ തുടങ്ങി. നിലവിൽ ഈ വീടുകളുടെ ഗ്രൗണ്ട് വർക്ക് ആരംഭിക്കുകയും ചെയ്തു. ഈ ഉദ്യമത്തിന്റെ സുഗമമായ നടത്തിപ്പിനുവേണ്ടി കോൺടാക്ട് പേഴ്സൺസായി, തിരൂരിലെ വീടിനു അഭിലാഷ് മൈലപ്പറമ്പിലിനെയും സജി രാമചനാട്ടിനേയും, NR സിറ്റിയിലെ വീടിനു ബെന്നി മാവേലിയെയും, ബെന്നി വേങ്ങച്ചേരിലിനെയും നിയോഗിച്ചു. ഈ മഹത്തായ ഉദ്യമത്തിന് പങ്കാളികളായ ഓരോരുത്തരും അഭിനന്ദനവും നന്ദിയും അർഹിക്കുന്നു!
വീടൊരുക്കാം വാഴ്വിലൂടെ എന്ന പദ്ധതിയിലൂടെ നാട്ടില് അര്ഹതപ്പെട്ട ഒരു ക്നാനായ കുടുംബത്തിന് 10 ലക്ഷം രൂപമുടക്കി ഒരു വീടു നിര്മ്മിച്ചു നല്കാന് തീരുമാനിച്ചിരുന്നു. ഈ പദ്ധതിയെ യു.കെയിലുള്ള ക്നാനായ കത്തോലിക്കര് ഹൃദയത്തില് ഏറ്റെടുത്തതിനാല് ഒരു വീടിനുപകരം രണ്ടു വീടുകള് നല്കാന് സാധിച്ചു. ഇതിന് പ്രകാരം പല അപേക്ഷകളില് നിന്നും തിരൂര്, എന്. ആര്. സിറ്റി എന്നീ ഇടവകകളില് നിന്നും ലഭിച്ച അപേക്ഷകള് തിരഞ്ഞെടുത്തു. മുന്ന് ബെഡ്റൂമുകളും അടുക്കളയും ഹാളും വരാന്തയും ഉള്പ്പെടെ 850 സ്ക്വയര്ഫീറ്റ് വീടാണ് നിര്മ്മിച്ചു നല്കുന്നത്. ഈ രണ്ടു ഇടവകകളിലും നിര്മ്മാണക്കമ്മറ്റി സജീവമായി പ്രവര്ത്തിക്കുന്നു. എത്രയും വേഗം പണി പൂര്ത്തിയാക്കാനുള്ള ശ്രമത്തിലാണ് ഇവര്. ഈ സത്കര്മ്മത്തില് പങ്കാളികളാകുന്ന എല്ലാവരെയും ഹൃദയപൂര്വ്വം അഭിനന്ദിക്കുകയും നന്ദി അറിയിക്കുകയും ചെയ്യുന്നു. ഈ പദ്ധതിയുടെ സുഗമമായ നടത്തിപ്പിന് നിങ്ങളുടെ പ്രാര്ത്ഥനയും സഹകരണവും പ്രതീക്ഷിക്കുന്നു.
കത്തോലിക്കാ സഭയുടെ ആരാധനാക്രമ വർഷത്തിലെ ഏറ്റവും പ്രധാനപ്പെട്ടതും ഭക്തിനിർഭരവുമായ കാലയളവാണ് വിശുദ്ധ വാരം (Holy Week). ഓശാന ഞായർ മുതൽ ഈസ്റ്റർ ഞായർ വരെയുള്ള എട്ട് ദിവസങ്ങളാണ് ഇതിൽ ഉൾപ്പെടുന്നത്. യേശുക്രിസ്തുവിന്റെ കഷ്ടാനുഭവങ്ങളെയും മരണത്തെയും ഉത്ഥാനത്തെയും അനുസ്മരിക്കുന്ന ഈ വാരം വിശ്വാസികളെ സംബന്ധിച്ചിടത്തോളം ആത്മീയ നവീകരണത്തിന്റെ സമയമാണ്.
വിശുദ്ധ വാരത്തിലെ പ്രധാന ദിവസങ്ങൾ
വിശുദ്ധ വാരത്തിലെ ഓരോ ദിവസത്തിനും സഭയുടെ ചരിത്രത്തിലും ആരാധനാക്രമത്തിലും വലിയ പ്രാധാന്യമുണ്ട്:
ഓശാന ഞായർ (Palm Sunday): യേശുക്രിസ്തു രാജകീയമായി ജെറുസലേമിലേക്ക് പ്രവേശിച്ചതിന്റെ ഓർമ്മ പുതുക്കുന്ന ദിവസം. വിശ്വാസികൾ കുരുത്തോലകൾ ഏന്തി “ഓശാന” പാടി പ്രദക്ഷിണം നടത്തുന്നു.
പെസഹാ വ്യാഴം (Maundy Thursday): യേശു തന്റെ ശിഷ്യന്മാരോടൊപ്പം അവസാനത്തെ അത്താഴം കഴിച്ചതിന്റെയും, വിശുദ്ധ കുർബാന സ്ഥാപിച്ചതിന്റെയും ഓർമ്മ. ഈ ദിവസം ഗുരു ശിഷ്യന്മാരുടെ പാദങ്ങൾ കഴുകിയ വിനയത്തിന്റെ മാതൃകയും അനുസ്മരിക്കപ്പെടുന്നു.
ദുഃഖവെള്ളി (Good Friday): യേശുക്രിസ്തുവിന്റെ പീഡാനുഭവങ്ങളുടെയും കുരിശുമരണത്തിന്റെയും ദിനം. ലോകമെമ്പാടുമുള്ള ക്രൈസ്തവർ ഉപവാസത്തോടും പ്രാർത്ഥനയോടും കൂടി ഈ ദിവസം ആചരിക്കുന്നു. കുരിശിന്റെ വഴി ചൊല്ലുന്നതും കുരിശ് ചുംബിക്കുന്നതും ഈ ദിവസത്തെ പ്രധാന ചടങ്ങുകളാണ്.
ദുഃഖശനി (Holy Saturday): യേശു കല്ലറയിൽ ശയിക്കുന്നതിന്റെ ഓർമ്മ. ഈ ദിവസം പ്രത്യേക പ്രാർത്ഥനകളും ഈസ്റ്റർ ജാഗരണവും നടക്കുന്നു.
ഈസ്റ്റർ ഞായർ (Easter Sunday): യേശുക്രിസ്തു മരണം ജയിച്ച് ഉയർത്തെഴുന്നേറ്റതിന്റെ ആഘോഷം. ക്രൈസ്തവ വിശ്വാസത്തിന്റെ അടിസ്ഥാനശിലയായ ഈ ദിവസം വലിയ സന്തോഷത്തോടും പ്രത്യാശയോടും കൂടി ആഘോഷിക്കുന്നു.
വിശുദ്ധ വാരത്തിന്റെ പ്രാധാന്യം
വിശുദ്ധ വാരം വെറുമൊരു അനുസ്മരണമല്ല, മറിച്ച് വിശ്വാസികൾക്ക് ക്രിസ്തുവിനോട് കൂടുതൽ അടുക്കാനുള്ള ഒരു അവസരമാണ്. ഇതിന്റെ പ്രധാന വശങ്ങൾ താഴെ പറയുന്നവയാണ്:
രക്ഷാകര ദൗത്യത്തിന്റെ പൂർത്തീകരണം: മനുഷ്യരാശിയുടെ പാപങ്ങൾക്ക് പരിഹാരമായി യേശു സ്വയം ബലിയായി തീർന്നത് ഈ വാരത്തിലാണ്. ഇത് ദൈവത്തിന്റെ അനന്തമായ സ്നേഹത്തെ വെളിപ്പെടുത്തുന്നു.
ത്യാഗവും സഹനവും: ക്രിസ്തുവിന്റെ സഹനങ്ങൾ ധ്യാനിക്കുന്നത് വഴി സ്വന്തം ജീവിതത്തിലെ കഷ്ടപ്പാടുകളെ ക്ഷമയോടെ നേരിടാൻ വിശ്വാസികൾ കരുത്ത് പ്രാപിക്കുന്നു.
ആത്മീയ നവീകരണം: നോമ്പും ഉപവാസവും പ്രാർത്ഥനയും വഴി വിശ്വാസികൾ തങ്ങളുടെ പാപങ്ങളിൽ നിന്ന് അകന്ന് പുതിയൊരു ജീവിതത്തിലേക്ക് പ്രവേശിക്കുന്നു.
പ്രത്യാശയുടെ സന്ദേശം: മരണത്തിന് ശേഷമുള്ള നിത്യജീവിതത്തെക്കുറിച്ചും പ്രത്യാശയെക്കുറിച്ചും വിശുദ്ധ വാരം നമ്മെ ഓർമ്മിപ്പിക്കുന്നു.
“ഞാൻ നിങ്ങളെ സ്നേഹിച്ചതുപോലെ നിങ്ങളും പരസ്പരം സ്നേഹിക്കുവിൻ.” – വിശുദ്ധ യോഹന്നാൻ 13:34
ചുരുക്കത്തിൽ, കത്തോലിക്കാ സഭയുടെ ജീവനും ചൈതന്യവും വിശുദ്ധ വാരത്തിലാണ് കുടികൊള്ളുന്നത്. വിനയം, സ്നേഹം, ത്യാഗം, പ്രത്യാശ എന്നീ മൂല്യങ്ങൾ ജീവിതത്തിൽ പകർത്തിക്കൊണ്ട് ക്രിസ്തുവിന്റെ ഉത്ഥാനത്തിൽ പങ്കുചേരാൻ ഈ വിശുദ്ധ ദിനങ്ങൾ നമ്മെ ആഹ്വാനം ചെയ്യുന്നു.
ഫാ ടോം പുത്തെൻപുരക്കലിന്റെ നോമ്പുകാല ലേഖനം, വാഴ്വിന്റെ വെളിച്ചം രണ്ട് ഭവനങ്ങളുടെ നിർമ്മാണം ആരംഭിച്ചു, കുട്ടികളുടെയും ടീനേജസിന്റെ ക്യാമ്പ് – റിജോയിസ് വിശദമായ വാർത്തകളും ചിത്രങ്ങളും അനുഭവസാക്ഷ്യങ്ങളും, വൈവാഹിക പംക്തി, വിവിധ മിഷനുകളിലെ നിരവധിയായ വാർത്തകൾ , വൈദിക സ്ഥലംമാറ്റം , സെൻറ് ജൂഡ് മിഷൻ മതബോധന അധ്യാപകരെ പരിചയപ്പെടുത്തുന്നു കൂടാതെ നിരവധിയായ വാർത്തകളും ചിത്രങ്ങളും അടക്കം തെക്കൻ ടൈംസ് 29-മത് ലക്കം.
